සැකකාර පළාත් සභා ඇමැතිවරයා වහාම අත්අඩංගුවට ගෙන අධිකරණය වෙත ඉදිරිපත් කරන ලෙස වරෙන්තුවක්‌ ද නිකුත් කර තබේ.
විශේෂ පොලිස්‌ කණ්‌ඩායම් දෙකක්‌ සැකකාර තොණ්‌ඩමන් අත්අඩංගුවට ගැනීම සඳහා ඔහුගේ නිවස ඇතුළු තවත් ස්‌ථාන කීපයක්‌ පරීක්‍ෂා කර තිබිණි.
එහෙත් සැකකාර පළාත් ඇමැතිවරයා කොළඹට පලාගොස්‌ සැඟවී සිටින බව පොලිසිය පවසයි. සැකකරු අත්අඩංගුවට ගැනීමට කටයුතු නොකළොත් වැඩවර්ජනයකට යන බව තැපැල් වෘත්තීය සමිති පවසති.
කෙසේ වෙතත් ඉදිරි දින කීපය ඇතුළතදී සැකකාර සෙන්දිල් තොණ්‌ඩමන් මහතා අත්අඩංගුවට ගෙන අධිකරණයට ඉදිරිපත් කිරීමට පොලිසිය කටයුතු කරමින් සිටියි.
රැස්‌වීමකට සහභාගි නොවූ බව කියන සිද්ධියක්‌ සම්බන්ධයෙන් තොණ්‌ඩමන් මහතා මෙම ලියුම් බෙදන්නාට අමානුෂික ලෙස පහර දී තිබුණේ ඉකුත් 3 වැනිදාය.
තුවාල ලැබූ ලියුම් බෙදන්නා බදුල්ල රෝහලේ ප්‍රතිකාර ලබමින් සිටියි. ඇල්ල පොලිසිය වැඩිදුර පරීක්‍ෂණ පවත්වාගෙන යයි.
