මේ අනුව පසුගිය දින කිහිපයේදී තෝරා ගත් නාවික හමුදා බටයන් 2000 කට ආසන්න පිරිසක් උතුරු නැගෙනහිර ප්‍රදේශ සඳහා විශේෂ රාජකාරි ලෙස සටහන් කොට පිටත් කොට යවා ඇත.
එමෙන්ම ආරක්ෂක ලේකම් වරයාට හිතෛශී හිටපු හමුදා සෙබලුන්ගෙන් සමන්විත රක්නා ලංකා ආරක්ෂක සමාගමේ සේවයෙහි යෙදී සිටි දෙසීයයකට අධික කණ්ඩායමක් ඊයේ දිනයේදි එම රාජකාරී වලින් මුදවා ඇත. එම කටයුතු සඳහා සිවිල් ආරක්ෂක භටයින්ට රක්නා ලංකා සමාගමේ නිල ඇඳුම් අන්දවා ඒඒ ස්ථානවල තැබීමටද කටයුතු කර තිබේ. පසුගිය කාලයේ රටතුල යම් යම් භීෂණකාරී ක්‍රියාවන්ට සම්බන්ධයූයේද මෙම රක්නා ලංකා සමාගමේ නිල ඇඳුම්ලාගෙන සිටින මිනිමරුවන් බවද හෙළිවී තිබිණි.
මේ අතර උතුරේ යුදධයේදී ජනප්‍රිය චරිත වූ හමුදා ප්‍රධානින් කිහිප දෙනෙකු යටතේ විශේෂ ඒකක කිහිපයක් පිහි‍ටුවා දිස්ත්‍රික්ක කිහිපයක් ඔවුන් යටතට පත් කර ඇති බවත් වාර්තා වන අතර මෙම කටයුතු සඳහා ආරක්ෂක අමාත්‍යංශය සතු ඩිෆෙන්ඩර් රථ සියයකට අධික ප්‍රමාණයක් නිදහස් කර ඇති බවද සැලවේ.
කෙසේ නමුත් මේ සම්බන්ධයෙන් විපක්ෂය පූර්ණ අවබෝධයක සිටී. මේ සම්බන්ධයෙන් මැතිවරණ කොමසාරිස්වරයාවද ඊයේ දිනයේදී දැනුවත් කර ඇති බවද විපක්ෂ ආරංචි මාර්ග පවසයි.
මේ සම්බධයෙන් අප කළ විමසීමකදී එජාප මන්ත්‍රී මංගල සමරවීර මහතා පැවැසූවේ ගොඨාබයට මෙවර දඟලන්න බැරි බවය. තුවක්කුවෙ බලය, ජනතාවගේ බලයට මෙවර යටපත් වන බවත් පැවැසූ අතර එකාධිපති රාජපක්ෂලා බලයට තිබෙන කෑදරකම හමුවේ කවර ක්‍රියාමාර්ගයක් ගත්තත් ඒ මෙවර පරාජය කිරීමය ජනතාව ශක්තිමත්ව පෙළ ගැසී සිටින බවත් පැවසීය. ගෝඨාභය වැඩ පටන් ගන්නත් පෙර ඒ සියල්ල අප විසින් හෙලිකරගෙන ඇති බවත් මේ රටේ ඇත්ත රණ විරුවන්ගේ සහය, මේ රණ විරුවන්ව පාරවල් අතුගාන්න දාපු රාජපක්ෂලාට ලැබෙන්නේ නැති බවත් තමාට සහතික යැයි පැවැසීය.
