පසුගිය කාලය පුරාවට මැතිවරණ නීති රීති මෙන්ම සාරධර්මද නොතකා තමන් එක්සත් ජනතා නිදහස් සන්ධානයට එක්වන බවට විවිධ අසත්‍ය ප්‍රචාර යැවීමට කටයුතු කළ පිරිස් මේවන විට ‘හංසයා ලකුණට‘ඡන්දය ප්‍රකාශ නොකරන ලෙස තමන් ඉල්ලා සිටින බවට ඇඟවෙන පෝස්ටරයක් නිර්මාණය කර ඇති බවට තොරතුරු ලැබී ඇති බව ප්‍රේමදාස මහතා පෙන්වාදෙයි.
මන්ත්‍රීවරයා කියා සිටියේ අදාළ පෝස්ටර් තොගය මේවන විටත් මුද්‍රණය කොට ගබඩා කර ඇති බවට තමන්ට තොරතුරු ලැබී ඇති බවයි.
එම මඩ පෝස්ටරය හම්බන්තොට ප්‍රධාන කර ගනිමින් දිවයින පුරා ඇළවීමට සූදානම්ව ඇති බව හෙතෙම කියා සිටියි.
මෙම කුමන්ත්‍රණකාරී වැඩපිළිවෙළ තුළින් තමාගේ දේශපාලන ජීවිතයත්, පොදු අපේක්ෂක මෛත්‍රීපාල සිරිසේන මහතාගේ ජයග්‍රහණයට සිදුවන හානියත් වළක්වා ගැනීමටත් මෙම නින්දිත උත්සාහය නතර කරන ලෙස මන්ත්‍රීවරයා මැතිවරණ කොමසාරිස්වරයාගෙන් ඉල්ලීමක් කරයි.
තමා එක්සත් ජාතික පක්ෂයේ නියෝජ්‍ය නායකයා ලෙසත්, හම්බන්තොට දිස්ත්‍රීක්කයේ නායකයා ලෙසත් එක්සත් ජාතික පක්ෂය ප්‍රමුඛ පොදු විපක්ෂයේ පොදු අපේක්ෂක මෛත්‍රීපාල සිරිසේන මහතාගේ විජයග්‍රහණය වෙනුවෙන් කැපවෙන බව සජිත් ප්‍රේමදාස මහතා පෙන්වාදෙයි.
