මෙම පුද්ගලයා 'චතුර' නමින් හැඳිවෙන්නකු බව හෙළි වී ඇති අතර මීට පෙර 'නෙත් එෆ් එම්' හා 'රන් එෆ් එම්' මාධ්‍ය ආයතනවල සේවය කළ අයකු වන අතර අයථා පැවැතුම් නිසා ආයතන වලින් නෙරපනු ලැබූවෙකුද වන බව එම මාධ්‍යවේදීන් විසින් හෙළිකර ගැනීමට සමත්ව ඇත.
කෙසේ නමුත් පසුගිය දින කිහිපයේදී දුරකතන ඇමැතුම් ලබා දෙමින් එම මාධ්‍යවේදිනියන් දූෂණය කර මරා දමන බවත් ආයතන ගිනි තියන බවත් මෙහි සාමාන්‍ය අධිකාරීවරයා වන ප්‍රවීණ මාධ්‍යවේදී කුල ශ්‍රී කාරියවසම් මහතාට පහර දී බල්ලෙකු මෙන් පාර දිගේ ඇදගෙන යන බවත් ආදී ලෙස ඉතා අසභ්‍ය භාෂාවෙන් පවසා ඇත.
මෛත්‍රීපාලගෙන් තවම ඔඩර් එක ලැබුණේ නෑ ..එක ලැබුණු ගමන් තොපිව මර දමන බවත් පවසා ඇති අතර ඊයේ දිනයේදී ප්‍රවෘත්ති දෙපාර්තමේන්තුවේදී එහි අධ්‍යක්ෂ ජනරාල ආරියරත්න ඇතුගල මහතාට පහර දීම සිදුකලේද තමන් ඇතුළු කණඩායමක් බවත් පවසා ඇත.
මෙම පුද්ගලයා විසින් පැවැසූ සියල්ල සිංහ එෆ් එම් ආයතනයේ මාධ්‍යවේදීන් විසින් පටිගත කරගෙන ද ඇත.මේවන විට එම ආයතනයේ ආරක්ෂාව තර කිරීමට කටයුතු කර ඇත. මේ සම්බන්ධයෙන් පොලීසියට පැමිණිල්ලක් කිරීමටද බලාපොරොත්තුවන බව එම ආයතනයේ ජෙෂ්ඨ මාධ්‍යවේදියකු පැවැසූවේය.
කෙසේ නමුත් මේ පුද්ගලයා ගාල්ල ප්‍රදේශයේ කෙනෙකු වන අතර එක්සත් ජාතික පක්ෂයේ සාමාජිකයකු බවද පැවැසේ. ජනාධිපතිවරණයේ අවසන් දින කිහිපය තුලදී මෛත්‍රීපාල සිරිසේන මහතාගේ මාධ්‍ය ඒකකයටද ආව ගිය බව හෙළිව තිබේ.
