මුස්ලිම් කොංග්‍රස් මන්ත්‍රී එසේම මෙහොමඩ් තම්බි හසන් අලි මහතා සෞඛ්‍ය රාජ්‍ය අමාත්‍යවරයා ලෙස දිවුරුම් දී ඇත.
එසේම එජාප මන්ත්‍රී රංජන් රාමනායක මහතා සමාජ සේවා සුබසාධන හා පශු සම්පත් සංවර්ධන නියෝජ්‍ය අමාත්‍යවරයා ලෙස දිවුරුම් දී තිබේ.
තවද එජාප මන්ත්‍රී වසන්ත අලුවිහාරේ මහතා මහවැලි සංවර්ධන හා පරිසර නියෝජ්‍ය අමාත්‍යවරයා ලෙස දිවුරුම් දී ඇත.
මීට අමතරව අමීර් අලි සහබ්දීන් නිවාස හා සමෘද්ධි නියෝජ්‍ය අමාත්‍යවරයා වශයෙන්ද ෂරීෆ් තවුෆික් මහතා අභ්‍යන්තර ප්‍රවාහන නියෝජ්‍ය අමාත්‍යවරයා ලෙසද දිවුරුම් දී තිබේ.
අද පස්වරුවේ ජනාධිපති ලේකම් කාර්යාලයේදී ජනාධිපතිවරයා ඉදිරියේ මෙම දිවුරුම්දීම් සිදු වූ අතර එම අවස්ථාවට අග්‍රාමාත්‍ය රනිල් වික්‍රමසිංහ මහතා ද සහභාගී වූ බව ජනපති මාධ්‍ය අංශය පැවසීය.
මේ සමග නව රජයේ කැබිනට් ඇමතිධූර සංඛ්‍යාව 28 දක්වාත්, රාජ්‍ය ඇමතිධූර සංඛ්‍යාව 11 දක්වාත්, නියෝජ්‍ය ඇමතිධූර සංඛ්‍යාව 10 දක්වාත් ඉහළ යනු ඇත.
- ada derana
