සාධාරණ සමාජයක්‌ වෙනුවෙන් වසර ගණනාවක්‌ ලොකු අරගලයක්‌ කළ බවත් එහි ප්‍රතිඵලයක්‌ ලෙස අද සියලු පක්‌ෂ හා සංවිධාන එකතුවී රට ගොඩනැගීමට කටයුතු කරමින් සිටින බවත් කීහ.
පසුගිය ආණ්‌ඩුව ගෙනා 18 වැනි ව්‍යවස්‌ථා සංශෝධනය යටපත් කර 17 වැනි සංශෝධනය ක්‍රියාත්මක කළ යුතු බව කී උන්වහන්සේ ස්‌වාධීන අධිකරණයක්‌ මගින් අධිකරණය ශුද්ධ වූ තැනක්‌ කිරීම ප්‍රධාන අරමුණක්‌ බවද පැවසූහ. අධිකරණයේ විනාශය රටට බලපාන බවද කීහ.
එදා අධිකරණ ක්‌ෂේත්‍රයට සම්බන්ධ සෑම ආයතනයක්‌ම ජනාධිපති යටතට ගත් බවද එහි සියලු පත්වීම් කරනු ලැබුයේ ජනාධිපතිවරයා අතින් බවද කී සෝභිත හිමියෝ එදා හිටපු අගවිනිසුරු ශිරාණි බණ්‌ඩාරනායක මහත්මිය එලවපු ආකාරය ඉතා නිsන්දා සහගත යෑයිද කීය.
වත්මන් අගවිනිසුරුවරයා ජනාධිපතිවරණ ප්‍රතිඵල දුන් දින අලුයම අරලියගහ මන්දිරයේ රැඳී සිට ඇති බවට කතාවක්‌ පවතින බවත් අගමැති රනිල් වික්‍රමසිංහ මහතා එහිදී ඔහු දැක ඇති බවටත් වාර්තා වන බව කීහ. ඒ නිසා ගෞරවාන්විතව ඉවත්ව යැම ඔහුගේ යුතුකමක්‌ යෑයි ද කීහ.
එදා ශිරාණි බණ්‌ඩාරනායක මහත්මියව ගල් ගහලා, හූ කියලා, රබන් ගහලා, කිරිබත් කාලා එලෙව්වා වගේ ඔබවත් එලවන කම් නොසිටින ලෙසද එම ක්‍රමය අවසානයේ අගවිනිසුරුවරුන් එලවන සම්ප්‍රදායක්‌ විය හැකි යෑයිද ඒ හිමියෝ කියා සිටියහ.
කෙසේ නමුත් අද සිට අඛන්ඩව කොළඹ අලුත් කඩේ උසාවී සංකීර්නය ඉදිරිපිට අගවිනිසුරුවරයා ඉල්ලා අස්විය යුතු බවට උද්ඝෝෂන පැවැත්වීමට නියමිතව ඇත.
