මෙහිදී අදහස් දක්වමින් ලංවිම ඒකාබද්ධ වෘත්තීය සමිති සංධානයේ මෙහෙයුම් කමිටු සාමාජික ජී.ඒ රංජන් ජයලාල් මහතා සදහන් කළේ ලංවිම සේවකයන්ට අවසන් වරට වැටුප් වැඩි වීමක් සිදුවූයේ 2012 වර්ෂයේ බවයි. මේ සම්බන්ධව 2014 වර්ෂයේ දී සාකච්ඡා පැවැත්වූ බවත් ඒ අනුව වර්ෂයකට 10% බැගින් වර්ෂ තුනට 30% ක වැටුප් වැඩිවීමක් සදහා එකගතාවයකට පැමිණ සිටි බවත් පැවසුවේය.
පසුගිය ජනවාරි 8 වනදා සාමාන්‍යාධිකාරිවරයා අැතුළු පාලනාධිකරණයට 70% සිට 124% දක්වා වැටුප් වැඩිවීමක් සිදුවීම හිටපු අාණ්ඩුව සමග සිදුවූ රහසිගත එකගතාවයක් මත සිදුවූවක් බවත් මෙය බරපතගල මූල්‍ය වංචාවක් බවත් රංජන් ජයලාල් මහතා පැවසුවේය.
හිටපු සාමාන්‍යාධිකාරවරයා 2015 ජනවාරි 20 විශ්‍රාම යන විට 76 000ක් වූ වැටුපට වංචනික ලෙස 52000 ක් ඒක් කර ගත් බවත් විශ්‍රාම පාරිතෝෂිකය ලෙස හිමිවිය යුතු ලත්ෂ තිස් පහ වෙනුවට ලක්ෂ හැය හයක මුදලක් ලබාගත් බවත් පැවසුවේය.
මෙම අකටයුතුකම් හා වංචාකාරී ක්‍රියාවන් පිළිබද වත්මන් අාණ්ඩුවට දැනුම් දුන් බවත් මේ වන තෙක් නිසි පියවරක් ෙතාගත් බවත් ඔහු පැවසුවේය. යහපාලනය විදුලි බල මණ්ඩලයටද අවශ්‍ය බවත් ඒ උදෙසා පියවර ගන්නා ලෙසත් ඔහු ඉල්ලා සිටියේය. ලක්ෂ 40 ක්වන විදුලි පාරිභෝගිකයින් මත පැටවෙන විදුලි බිලට ලංවිම තුළ සිදුවූ ජාතික අපරාධය පැටවෙන බවත් මෙසේ අල්ලස් හා දූෂණ විමර්ශන කොමිසම වෙත පැමිණිලි කරන ලද්දේ වැටුප් අර්බුධය පමණක් නොව ලක්ෂ 40 ක්වූ විදුලි පාරිභෝගිකයන්ද වෙනුවෙන් බවද ඔහු සදහන් කළේය.
වැඩි දුරටත් අදහස් දක්වමින් රංජන් ජයලාල් මහතා පැවසුවේ වත්මන් අාණ්ඩුව විදුලි බල මණ්ඩලය තුළට යහපාලනය ගෙන ඒමට පසුබට වන්නේ නම් ඉදිරියේදී දැවැන්ත විරෝධතා ව්‍යාපාරයක නිරත වීමටද කටයුතු කරන බවයි
