මහාධිකරණ විනිසුරු රෝහිණී වල්ගම මහත්මිය මීට නොබෝ වේලාවකට පෙර මෙම තීන්දුව ප්රකාශයට පත් කළාය.
අදාළ සිද්ධිය සම්බන්ධයෙන් තංගල්ල ප්‍රාදේශිය සභා සභාපතිවරයා ඇතුළු විත්තිකරුවන් 06 දෙනෙකුට එරෙහිව නඩු පවරා තිබුණි.
ඒ පිළිබඳ තීන්දුව අද ප්රකාශයට පත් කෙරුණු අතර එහිදී විත්තිකරුවන් දෙදෙනෛකු නිදහස් කර ඇත.
කොළඹ මහාධිකරණය හමුවේ අදාළ නඩුව වසර දෙකහමාරක පමණ කලයක් විභාගයට ගැනුණු අතර පසුගියදා පැමිණිල්ලේ හා විත්තියේ දේශන වලින් අනතුරුව තීන්දුව ප්රකාශයට පත් කිරීම අදට කල්දැමිණ.
තංගල්ල ප්‍රදේශයේ හෝටලයකදී කුරාම් ෂෙයික් නැමැත්තා ඝාතනය කර ඔහුගේ පෙම්වතිය වු රුසියානු ජාතික තරුණියක සමුහ දූෂණයට ලක්කිරීම සම්බන්ධයෙන් එවකට තංගල්ල ප්‍රාදේශිය සභාවේ සභාපති සම්පත් චන්ද්‍රපුෂ්ප විදානපතිරණ ඇතුළු විත්තිකරුවන් 06 දෙනෙකුට එරෙහිව එසේ චෝදනා එල්ලවී තිබුණි.
තීන්දුව ප්රකාශයට පත් කිරීමේ අවස්ථාවට බ්‍රිතාන්‍ය හා රුසියානු තානාපති කාර්යාලවල නිලධාරින් ද පැමිණිලි පාර්ශවයේ ඥාතීන් ද සහභාගී සිටි බව වාර්තා විය.
අදාළ චෝදනා සම්බන්ධයෙන් වන නඩු විභාගය කොළඹ මහාධිකරණය හමුවේ විශේෂ නඩු කටයුත්තක් ලෙස විභාගයට ගැනුණු අතර නඩු විභාගය පිළිබඳ දෙස් විදෙස් නිරික්ෂකයන්ගේ දැඩි අවධානය යොමුව තිබුණි.
අධිකරණයෙන් පිටත ජනතාව රැස්ව සිටි අයුරු පහත ජායාරුපයේ දැක්වේ.
