ඉකුත් 7දා මැලේසියාවේ දී අත්අඩංගුවට පත්ව ශ්‍රී ලංකාවට ගෙන එනු ලැබූ මොහොමඩ් මුරුෂි රෆීඩ් හා තාගූර් මොහොමඩ් නෂීඩ් යන දෙදෙනා ප්‍රධාන මහේස්ත්‍රාත් අධිකරණය හමුවට ඉරිපත් කිරීමෙන් අනතුරුව මෙසේ බන්ධනාගාර ගත කෙරිණි.
මෙම වැට් බදු වංචාව සම්බන්ධයෙන් පැවැති නඩුව කොළඹ මහාධිකරණය හමුවේ විභාගයට ගැනීමෙන් අනතුරුව අදාළ චෝදනාවන්ට මොහොමඩ් මුරුෂි රෂීඩ් නැමැති සැකකරු වරදකරු කළ මහාධිකරණ විනිසුරු ඔහුට වසර 260ක සිරදඬුවමක් පමුණුවා තිබිණි.
තාගූර් මොහොමඩ් නෂීඩ් නැමැති සැකකරුට ද මහාධිකරණ නඩු විභාගයේ දී අදාළ චෝදනාවන්ට වරදකරු කොට වසර 120ක බරපතළ වැඩ සහිත සිර දඬුවමක් අධිකරණය විසින් නියම කර තිබිණි.
මෙම සිරදඬුවම් නියමකර තිබුණ ද සැකකරුවන් මෙරටින් පලාගොස් තිබූ අතර ඔවුන් අත්අඩංගුවට ගැනීමට අධිකරණය විසින් ජාත්‍යන්තර පොලිසිය හරහා රතු නිවේදන සහිත විවෘත වරෙන්තු නිකුත්කොට තිබිණි.
