ජනාධිපතිවරයා සිය විධායක බලතල පාවිච්චි නොකරන බව නම් දැන් පැහැදිලිය. එමෙන්ම ඔහුගේ යහපාලනයත් පැහැදිලිය. එහෙත් මේ නීතියේ ආධිපත්‍ය සුරකින බවට පොරොන්දුවක් දුන් ජනාධිපතිවරයකුට නොතරම් කතාවකි.
ඔහු බලයට පැමිණියේ දූෂිතයන් නැති බංගස්ථාන කරන බව කියමිනි. ක‍ටුනායක වසා දමා හෝ දුෂිතයන් අල්ලා පර සක්වල ගසන බවත් කියැවිනි. එහෙත් හාල් කෑලී අල්ලාගෙන සංදර්ශන පෙන්වනවා විනා වෙන යමක් සිදු නොවේ. ඊටත් වඩා විහිළුව වන්නේ මේ ලොකු ලොකු තෝරු මෝරු යහපාලනය සමඟ එක පෙළට සිට ගැනීමය.
ජනාධිපතිවරයාගේ සැකය පිළිබඳ මෙරට ජනතාවට විචිකිච්ඡාවක් ඇතිවේ නම් ඒ අකා මකා දැමීමට මේ කරුණ ප්‍රමාණවත් යැයි සිතමු.
ජනාධිපති කොමිසම් කියන්නේ මොනවා දැයි මේ රටේ මිනිස්සු හොඳාකාරව දනී. ජාතික ලේඛනාගාරයට ගියේ නම් මේ කොමිසම් සභා වාර්තා ඇති පදමට සොයා ගත හැකිය. ඒ කිසිවකින් කිසිවක් සිදූ බව නම් කෝඳුරු තෙල් හත්පට්ටයක් සොයනවාට වඩා අමාරුය.
අද හිටපු ජනාධිපති වීරයකු ලෙස මෛත්‍රීපාලනයට කෝචොක් කරමින් සිටින්නේ අන් කවරක් නිසා නොව වත්මන් පාලනයේ නෝන්ජල්කම නිසාය. ඒ ජනාධිපතිවරයාටත් අගමැතිවරයාටත් එක සේ අදාලය.
