ජනපති සහ බිරිය පිළිගැනීම ඉන්දියාවේ නාවුක නියෝජ්‍ය ඇමැති පී රාධක්‍රිෂ්නන් විසින් ගුවන් තොටුපළේදී සිදු කළහ.
ඇමෙරිකාවේ සංචාරයක යෙදුණු විදේශ ඇමැති මංගල සමරවීර මහතා ද ගුවන් තොටුපොළට පැමිණ සිටියේය.
ජනාධිපති මෛත්‍රීපාල සිරිසේන මහතා අද ඉන්දිය ජනාධිපති ප්‍රනාබ් මුකර්ජි මහතා සහ ඉන්දිය අග්‍රාමාත්‍ය නරේන්ද්‍ර මෝඩි මහතා අතර ද්විපාර්ශවික සාකච්ඡා අද(16) දිනයේ පැවැත්විමට නියමිතව තිබේ.
ඒ අනුව ඊයේ පස්වරුවේ ඉන්දියාවේ ශ්‍රී ලංකා මහාකොමසාරිස් කාර්යාලයේ තැන්පත් කර ඇති අවලෝකිතේෂ්වර බෝධි සත්ව ප්‍රථිමාව නිරාවරණය කිරිම සඳහා සහ පුෂ්ප උපහාර දැක්විම සඳහා ජනාධිපති මෛත්‍රීපාල සිරිසේන මහතා එක්වුණි.
මේ අතර අද දිනයේ ඉන්දිය ජනාධිපතිවරයා සහ ඉන්දිය අග්‍රාමාත්‍යවරයා අතර ද්විපාර්ශවික සාකච්ඡා පැවැත්විමෙන් අනතුරුව ජනාධිපති මෛත්‍රීපාල සිරිසේන මහතා අද පස්වරුවේ ඉන්දිය විදේශ ඇමතිනි සුෂ්මා ස්වරාජ් මහත්මිය මුණගැසිමට නියමිතය.
මිට අමතරව ජනාධිපතිවරයා ඉන්දිය ජාතික පෙරමුණේ නායිකා සෝනියා ගාන්ධි මහත්මිය ද මුණගැසි සාකච්ඡා කිරිමට නියමිත බව වාර්තා වෙයි.
මේ අතර හෙට දිනයේ දී ජනාධිපති මෛත්‍රීපාල සිරිසේන මහතා බුද්ධගයා විහාරස්ථානය වැඳපුදා ගැනිමට නියමිතව තිබේ.
