ඉකුත් 2014 වසරේ සබරගමුව විශ්ව විද්‍යාලයට ඇතුළත් වූ අමාලි චතුරිකා නමැති මෙම සිසුවිය නවකවධයෙන් පීඩා විඳ මානසික ආතතියට ලක්වී අැත. එම නිසා ඇය කළුබෝවිල ශික්ෂණ රෝහලෙන් ද ප‍්‍රතිකාර ලබාගෙන ඇති බව පවුලේ ඥාතීන් ප‍්‍රකාශ කළේය.
කෙසේවෙතත් සබරගමුව විශ්ව විද්‍යාලයේ උපකුලපති මහාචාර්ය චන්දන පී. උඩවත්ත මහතා ප‍්‍රකාශ කළේ විශ්ව විද්‍යාලය තුළ නවකවධය කි‍්‍රයාත්මක නොවන බැවින් ඇය ඉන් ආතතියට ලක්වූ බවට කෙරෙන ප‍්‍රකාශ පිළිගත නොහැකි බවයි.
සබරගමුව විශ්වවිද්‍යාලයේ ව්‍යවහාරික විද්‍යා පීඨයේ පීඨාධිපති මහාචාර්ය උදය රත්නායක මහතා ඇගේ මරණය ගැන අදහස් පළ කර තිබෙන්නේ මෙසේය.
‘මේ ළමයා විශ්වවිද්‍යාලයට ඇවිත් ගොඩක් කල්. ගිය අවුරුද්දේ පෙබරවාරි මාර්තු විතර ආවේ. නේවාසිකාගාරයේ අමුතු ලෙස හැසිරෙන්න පටන් ගෙන තිබෙනවා. මේ පිළිබඳව වාර්තා වුණාට පස්සේ අම්මා සමග ගෙදර යැව්වා. බෙහෙත් කරලා හොඳවෙලා ගෙදර ආවා. ඔය ආකාරයෙන් කීප වාරයක් හතර පස් සැරයක් ආවා ගියා. ඒ අතර වාරයේ ඇයට අතපසු වූ ප‍්‍රායෝගික අධ්‍යයන කටයුතු වෙනමම ඉගෙන ගන්නට අවස්ථාව සැලසුවා. මේ දිනවල අධ්‍යයන නිවාඩු දීලයි තියෙන්නේ. මේ සිසුවිය වසරක් කල් ඉල්ලූවා නැවත අලූත් කණ්ඩායමක් එක්ක එන්න. ඒ අනුව අපි එම අවස්ථාව සලසා දුන්නා. නිවසට ගිහින් කීප අවස්ථාවකදී කතා කළා නැවත එන්න පුළුවන්ද කියලා.
මෙම පරීක්ෂණ කරන අතරතුර ඇය සහ ඇගේ මව තවදුරටත් පරීක්ෂණයක් අවශ්‍ය නැහැ යන ඉල්ලීමක් නිසා පරීක්ෂණය නැවැත්තුවා. මෙතනින් එහාට පරීක්ෂණ අවශ්‍ය නැහැ. ඉගෙන ගන්න අවශ්‍ය පරිසරය සකස් කර දෙන්නැයි ඉල්ලා සිටියා.
ඊට පස්සේ මේ වනතුරු කිසිම පැමිණිල්ලක් තිබුණෙ නැහැ. නවකවදයක් හෝ එවැනි සිද්ධියක් සම්බන්ධව නැවතත් ඇයට බැරිවුණ ප‍්‍රායෝගික කොටස් අධ්‍යයනයට අවස්ථා සලසා සහය දුන්නා. ලෙඩ නිසා ?ට පාඩම් කරන්න බෑ කියා අවුරුද්දක් නිවාඩු අයැදුම් කළා. මේ සිද්ධිය වන විය ඇය එම නිවාඩු ගෙන නිවසෙයි හිටියේ.’
මේ සම්බන්ධව සබරගමුව විශ්ව විද්‍යාලයේ පීඨාධිපති චන්දන පී උඩවත්ත ප‍්‍රකාශ කළේ
‘ඇය ආතතියකින් පෙළෙන බවට වාර්තාවී තිබුණා. මානසික සෞඛ්‍ය ඒකකයක් තියනව විශ්ව විද්‍යාලයේ ඇය එයින් ප‍්‍රතිකාර අරන් තිබුණා. සබරගමුවේ නවක වද සිද්ධියක් නිසා ඇය දිවි නසාගත්තය කියන වැරදි ප‍්‍රකාශය ගැන මම බෙහෙවින් කණගාටුවෙනවා.’යනුවෙනි.
