මෙහිදී අදහස් දක්වමින් විපක්ෂ නායක ජයන්ත මහතා පවසා සිටියේ මෙම තානායම නිසා අම්බලන්ගොඩ නගර සභාවට 90% පමණ අාදායමක් ලැබුණු බවයි.පසුව පාලනයේ පැවති වැරදි හේතුවෙන් බදු කරුවන් බදු නොගෙවා සිටි අතර මේ තත්වය පාදක කර ගනිමින් දකුණු පළාත් ප්‍රධාන අමාත්‍ය ශාන් විජේලාල් විසින් මෙය අලෙවිකර රුපියල් 75,000 ක මුදලක් නගර සභාවට දුන් බව ඔහු පැවසුවේය.විපක්ෂය සහ බදු ගෙවන්නන් මෙම සිදුවීමට දැඩි විරෝධය පළ කල බවද ඔහු වැඩිදුරටත් පැවසුවේය.
අද වන විට මෙම ස්ථානය වල් බිහිවී අපචාර ක්‍රියා සිදුවන තැනක් බවට පත්ව ජනතාවට ද අවහිරයක් බව ඔහු පැවසුවේය.අම්බලන්ගොඩ නගරයට තිබූ වටිනාම වත්කම අහිමිකිරීම් ක්‍රියාවට මුල්වූ ප්‍රධාන අමාත්‍ය ශාන් විජේලාල්,ඒවකට සිටි පළාත් පාලන කොමසාරිස් සමන් මහතා,ඒවකට රුහුණු සංචාරක මණ්ඩලයේ සභාපතිව සිටි හේමසිරි මහතාට සහ නගරාධිපති ඒම් ඩබ්ලිව් අනුර ප්‍රදීප් යන යන අයට විරුද්ධව අල්ලස් හා දූෂණ විමර්ශන කොමිෂන් සභාවට මෙම පැමිණිල්ල ඉදිරිපත් කරන බව ජේ.ඩබ්ලිව් ජයන්ත මහතා පැවසුවේය.
