ජනාධිපතිතුමා බලයට ඒමට පෙර පැවසූ ඇතැම් කාරණා මේ වන විට මගහැරෙමින් පවතින බවත් ජනාධිපතිතුමා සහ රජය බලයට ගෙන ඒමට කටයුතු කළ ජාතික ව්‍යාපාරයක් ලෙස, දින සියය වැඩ පිළිවෙලේ ඇති තවමත් ඉටු නොකළ දේ ඉටු කරන ලෙස ඉල්ලා සිටින බවත් පැවසුවේය.
මෙහිදී අදහස් දක්වමින් මාඳුළුවාවේ සෝභිත හිමියන් පැවසුවේ වත්මන් ආණ්ඩුව සහ ජනාධිපතිවරයා තමන් වෙත දින සියයකින් ඔප්පු කළ හැකි භාරයක් වී ඇති බවයි.
‘මෛත්‍රීපාල සිරිසේන මැතිතුමා භාරයක් වෙලා තියෙනවා අපට මේ භාරේ දවස් සීයකින් ඔප්පු කරනවා කියලා. විධායක ජනාධිපති අවසන් කරන බව,17වෙනි සංශෝධනේ ක්‍රියාත්මක කරන බව,මැතිවරණ ක්‍රමය වෙනස් කරන බව,අල්ලස් හා දුෂණ වංචා කොමිසම හරියට ක්‍රියාත්මක කරන බවට දඬුවම් දෙන බව. හැබැයි භාරේ ඔප්පු නොකළොත් වැඩේ ඉවරයි. දෙයියෝ කෝප වෙනවා. අපි කෝප වෙනවා. අපි තමයි දෙයියෝ. අපි ජනතාවට භාරවෙලා තියෙනවා. ඒ නිසා අපි කියනවා වෙච්ච භාරේ ඔප්පු කරන්න’ යයිද උන් වහන්සේ එහිදී කියා සිටියහ.
භාරය ඔප්පු නොකළහොත් දෙවියන් කෝපවන බවත් දෙවියන් යනු ජනතාව සහ අපි යනුවෙන්ද උන්වහන්සේ පැවසුවේය.
මෙම පොරොන්දු ඉටු නොකර මහමැතිවරණයකට යාම අනුමත නොකරන බවත් මැතිවරණයකට යාමට පෙර නව මැතිවරණ ක්‍රමය ස්ථාපිත කළ යුතු බවත් එසේ නොවුන හොත් මුදල් විසිකර පරණ හොරුන්ම නැවත බලයට එන බවත් අධිනීතිඥ රවී ජයවර්ධන මහතා පැවසුවේය.
සාධාරණ සමාජයක් සඳහා වූ ජාතික ව්‍යාපාරයේ සභාපති මාදුළුවාවේ සෝභිත හිමි,සම කැඳවුම්කරු සුනිල් ජයසේකර,භාණ්ඩාගාරික අධිනීතිඥ රවී ජයවර්ධන යන අය ඇතුළු පිරිසක් මෙම අවස්ථාවට සහභාගී වූහ.
