රාජ්‍ය සේවකයින්ගේ මූලික පඩිය වන රුපියල් 11,730ක වැටුප අනෙකුත් දීමනා සමග විසිපන් දසහස් හතලිහක් ලැබීමෙන් අනතුරුව අද දින සිට ලැබෙන රුපියල් පන්දහස සමග එක්වී රුපියල් තිස් දහසක් ඉක්මවූ මාසික පඩියකට රාජ්‍ය සේවකයන් හිමිකම් කියන බව ඉමහත් සතුන් ප්‍රකාශ කරන බව ඔහු පැවසුවේය.
පසුගිය ආණ්ඩුව සමයේ පැවති සුළු පිරිසකගේ සුඛ විහරණය සදහා සාමාන්‍ය ජනතාව මත බදු බර පැටවීම නිසා තුන්වේල සපයා ගත නොහැකි තත්වයට ජනතාව පත්වූ බවත් දින 100 වැඩපිළිවෙළ තුළින් සාමාන්‍ය ජනතාවට අතට දැනෙන,ඇගට දැනෙන,හදවතට දැනෙන සහ බඩට දැනෙන වෙනස්කම් ඇති කිරීමට හැකිතාක් පියවර ගෙන ඇති බව ඔහු සදහන් කළේය.මේ අනුව ගෘහස්ත ආදායම ඉහළ දැමීම පිළිබදව වැඩි අවධානයක් යොමු කරන බව හෙතෙම සදහන් කළේය.
මේ වන විට දින 100 තුළින් පොරොන්දුවූ කාරණා බොහෝමයක් ඉටු කර ඇති බවත් සහ ඉදිරි වැඩකටයුතු සදහා පියවර ගෙන ඇති බවත් ඔහු සදහන් කළේය.
