එසේම රුසියානු ශ්‍රී ලංකා මිත්‍රත්ව සංගමයට 56 වසරක් සැපිරීමද ඊයේ දින සමරනු ලැබීය. වසරක් පාසා රුසියානු ශ්‍රී ලංකා මිත්‍රත්වය වර්ධනය කර ගැනීමේ අරමුණින් රුසියානු සංස්කෘතික මධ්‍යස්ථානය මගින් මෙය පැවැත්වීම සිරිතකි.
රුසියාව සහ ශ්‍රී ලංකාව අතර ආරථික හා සමාජීය සම්බන්ධතා මුල්වරට ඇරඹුණේ 1958 වසරේදී එස් ඩබ්ලිව් ආර් ඩී බණ්ඩාරනායක මැතිතුමාගේ කාලයේදීය. මේ යටතේ ශ්‍රී ලංකාවට තාක්ෂණික, කෘෂිකාර්මික හා සමාජ සංවර්ධනය සඳහා එකල පැවති රුසියානු සමුහාණ්ඩුව මගින් අනුග්‍රහය දක්වන ලදී.
එපමණක් නොව ලාංකීය සිසුන් විශාල ප්‍රමාණයකට එරට අධ්‍යාපනය ලැබීමේ වරම්, නොමිලේ අධ්‍යාපනය ලැබිය හැකි ශිෂ්‍යත්ව හිමිවිය.
මේ සහයෝගීතාවය ඉදිරියටත් පවත්වාගෙන යාමට කටයුතු කරන බව ශ්‍රී ලංකාවේ රුසියානු තානාපති ඇලෙක්සැන්ඩර් කර්චවා මහතා මෙහිදී ප්‍රකශ කළේය.
ඡායාරූප - නිශාන්ත ප්‍රියදර්ශන
