එමෙන්ම විධායක බලය නැති කළහොත් ජනපතිකමින් ප්‍රයෝජනයක් නැතැයිද එවිට ජනාධිපති නාමික ජනපතිවරයෙක් වන්නේ යැයිද රාජිත සේනාරත්න මහතා වඩිදුරටත් සඳහන් කරයි.
වත්මන් ජනාධිපති මෛත්‍රීපාල සිරිසේන මහතා පොදු අපේක්ෂකයා ලෙස ඉදිරිපත් වන බව දැන්වීම සඳහා පැවති පළමු මාධ්‍ය සාකච්ඡාවේදීද ඉදිරියෙන්ම සිට කටයුතු කළ රාජිත සේනාරත්න මහතා පුන පුනා පැවසූවේ විධායක ජනාධිපති යනු විස දළ සහිත සර්පයෙකු බවයි. තවත් විටෙක ඔහු පැවසූවේ විධායක පුටුවේ වාඩිවන ඕනෑම පුද්ගලයෙකු භයානක යක්ෂයෙකු වන බවයි.
එම නිසා මෛත්‍රීපාල සිරිසේන මහතා වැනි ඉතා නිහතමානී ජනාධිපතිවරයෙකු යටතේ මෙම විධායකයේ බලතල අඩුකරන බවත් එය මුළුමනින්ම අහෝසි කර දැමීම තම අපේක්ෂාව බවත් ඔහු පොදු අපේක්ෂක වේදිකාවේ සිට ජන රැලිවලදී පැවසීය.
කෙසේ නමුත් රාජිත සේනාරත්න ඇමතිවරයා දැන් පවසන්නේ මෛත්‍රීපාල සිරිසේන මහතාට ඡන්දය දුන් ලක්ෂ 62ක් ජනතාව එතුමා කිසිදු බලයක් නැති පුද්ගලයකු වනු දකින්නට අකමැති බවය.
-nowshowing
