ශ්‍රී ලංකා විදේශ අමාත්‍ය මංගල සමරවීර මහතාගේ චීන සංචාරයේදී, චීන රජයෙන් ලබාදුන් ණය පිළිබඳව සලකා බලන බව ප්‍රකාශ කළ අතර එයට ප්‍රතිචාරයක් වශයෙන් චීන විදේශ කටයුතු අමාත්‍යාංශය ඉහත ප්‍රකාශය කළ බව 'රොයිටර්' පුවත් සේවය ඊයේ (02දා) වාර්තා කළේය.
ණය පිළිබඳව සාකච්ඡා කිරීම සඳහා මුදල් අමාත්‍ය රවී කරුණානායක මහතාද ඉදිරියේදී චීන සංචාරයක නිරතවීමට නියමිත බව එම පුවත් සේවය වාර්තා කළේය.
ද්විපාර්ශ්වීය අන්‍යෝන්‍ය ප්‍රයෝජනය යන මූලධර්මය යටතේ ලබාගත් මෙම ණය ශ්‍රී ලංකාවේ සංවර්ධනයට උපකාරී වනු ඇති බව චීන විදේශ අමාත්‍යාංශයේ ප්‍රකාශිකා හුආ චුයිනින්ග් ප්‍රකාශ කර ඇත.
