නීත්‍යානූ කූලව බොරලූ කැනීමට පුරාවිද්‍යා දෙපාර්තමේන්තුව, මධ්‍යම පරිසර අධිකාරිය සහ ප්‍රාදේශීය ලේකම් කාර්යාලයේ නිර්දේශ මත භූ විද්‍යා හා පතල් කාර්යාංශය අනුමැතිය ලබා දියයුතුව තිබේ. එමෙන්ම ක්ෂේත්‍ර පරීක්‍ෂා කිරීම අනිවාර්ය කොන්දේසියකි.
එසේ සිදුකරන ක්ෂේත්‍ර පරීක්‍ෂාවෙන් පසු වාර්තා ලබාදීම සඳහා මාසයකට ආසන්න කාලයක් ගතවනමුත් කිසිදු ක්ෂේත්‍ර පරීක්‍ෂාවකින් තොරව මධ්‍යම පරිසර අධිකාරියෙන් පමණක් අනුමැතියක් ලබාගෙන ඇත.
භූ විද්‍යා හා පතල් කාර්යාංශය ලබාදෙන අවසරයකට දිනකට කැනීම් කළ හැක්කේ බොරලූ කියුබ් 50ක් වන අතර ඒ සඳහා එක් බැකෝ යන්ත්‍රයකට වඩා භාවිත කිරීමට අවසරයක් නොමැත.
කැනීම් කළ යුත්තේද සතියේ දිනවල උදෑසන 6 සිට සවස 6 දක්වා පමණක් වුවත්, අදාල ජාවාරම සති අන්තවල දිනවලද සිදුකෙරෙන බව අප වාර්තාකරු සඳහන් කරයි.
බැකෝ යන්ත්‍ර දෙකක් යොදවා ටිපර් රථ 20කින් පමණ බොරලූ කැනීම් කර ප්‍රවාහනය කරන අතර ඒ අනුව දෛනිකව බොරලූ කියුබ් 200කට වඩා කැනීම් කර ප්‍රවාහනය කරන්නේ ප්‍රබල දේශපාලනඥයාගේ නම යොදාගෙන බවත් වාර්තාවේ.
බොරලූ ප්‍රවාහනය කිරීම සඳහාද වෙනම බලපත්‍රයක් තිබිය යුතු අතර මෙම ජාවාරමට අදාල ලිපි ලේඛන ව්‍යාජ ලෙස සකස් කරගෙන සිටින අතර, පොලීසිය නීතිය ක්‍රියාත්මක කිරීමට යාමේදී ප්‍රබල දේශපාලනඥයාගේ නම භාවිතා කිරීම නිසා පොලිසිය අසරණ භාවයට පත්ව සිටී.
පසුගිය මස 19 වැනි දින ජනාධිපති මෛත්‍රීපාල සිරිසේන මහතා පරිසර අමාත්‍යාංශයේ වැඩ භාරගැනීමේදී පැවසුවේ පොලොන්නරු දිස්ත්‍රික්කයේ වැලි සහ බොරලූ සම්බන්ධ කැනීම් කටයුතු නතර කරන ලෙසයි.
