2014 ජනවාරි සහ පෙබරවාරි මාස හා සැසදීමේදී මෙම වසරේ ජනවාරි සහ පෙබරවාරි යන මාස වලදී පමණක් ඉන්ධන වලට වැයකර ඇති මුදල රුපියල් මිලියන 2.24 කින් අඩුකර ගැනීමට හැකිවී ඇති බවත් අමාත්‍යවරයා පැවසුවේය.

කුලී පදනම මත වාහන ලබා ගැනීම සදහා 2014 ජනවාරි මසදී 1,167,782 සහ පෙබරවාරි මාසදී 1,930,422 වශයෙන් වැයකර ඇති මුදලට සාපේක්ෂව මෙම වර්ෂයේ ජනවාරි සහ පෙබරවාරි යන මාසවල මිලියන 3.74 ක් ඉතිරිකර ගතහැකිවූ බව පෙන්වාදුන්නේය .

ඉංජිනේරු සංස්ථාව සදහා කුලී පදනමින් ලබාගත් වාහන 33ක් හිටපු අමාත්‍යවරයා ගේ දේශපාලන කටයුතු සදහා යොදාගෙන තිබූ බව මීට පෙර අනාවරණය වූ බවත් අමාත්‍යවරයා මෙහිදී සිහිපත් කළේය.

මෙම මාස දෙක තුළ ඉන්ධන සහ වාහන කුළී වලින් මිලියන 6ක් පමණ ඉතිරිකර ගත හැකිවූ බව අමාත්‍යවරයා පෙන්වා දුන්නේය.

මීට අමතරව ඉංජිනේරු සංස්ථාවේ අලෙවි ප‍්‍රවර්ධකයන් ලෙස පත්වීම් ලබාදි දේශපාලන වැඩවලට යොදවා තිබූ පුද්ගලයන් ගණන 42ක් බවත් ඔවුන්ගේ සේවය නතර කිරීම තුළින්ද තවත් රුපියල් මිලියන 1.44 ක් ඉතිරිවූ බවත් පැවසුවේය.

හිටපු අමාත්‍ය විමල් වීරවංශගේ මාධ්‍ය ආයතනයේ 6 දෙනෙක් ඉංජිනේරු සංස්ථාවෙන් වැටුප් ලැබීමක් සම්බන්ධව මෙහිදී මාධ්‍යවේදියෙකු නැගූ ප‍්‍රශ්නයට පිළිතුරු දෙමින් අමාත්‍යවරයා කියා සිටියේ පසුගිය කාලයට අදාළව විගණනයක් සිදුවන බැවින් එහිදී සියල්ල හෙළිදරව්වනු ඇති බවයි.

සිය අමාත්‍යාංශයේ රාජකාරී කිරීමෙන් ජනවාරි මාසය සඳහා ලැබුණ ඇමති වැටුප ජාතික නිවාස සංවර්ධන අරමුදලට ලබාදීමටද අමාත්‍ය සජිත් ප්‍රේමදාස මහතා අද (23) කටයුතු කළේය.

ඒ අනුව රුපියල් 367,500ක වැටුපක් ඔහු විසින් පරිත්‍යාග කරනු ලැබීය.

ඡායාරූප-නිශාන්ත ප්‍රියදර්ශන