දේශපාලන වශයෙන් මෙන්ම පෞද්ගලික පැවැත්මෙන්ද අවතැන් වී සිටින මන්ත්‍රීවරු කණ්ඩායමක් අද පාර්ලිමේන්තු සභා ගර්බය තුල බිම වාඩි වී මහින්දව අල්ලස් කොමිසමට කැඳවීම ගැන විරෝධය පල කරමින් තිබේ.
මේ විරෝධයට හේතුව කුමක්ද ? මහින්දව අල්ලස් කොමිසමට කැඳවීම වරදක් වන්නේ කෙසේද? එය නීති විරෝධීද ? සදාචාර විරෝධීද ?
යම් අපරාධ චෝදනාවක් එල්ල වූවකු, යුක්තිය පසිඳලීමට සිටින්නන් විසින් චෝදනා ඔප්පු කරන තුරු වරදකරුවකු වන්නේ නැත. මහින්ද රාජපක්ෂ පසුකරමින් සිටින්නේද ඒ අවධිය වන අතර ඊට මුහුණ දීමට තරම් ශක්තියක් ලෝකයේ දරුණුම ත්‍රස්තවාදී ව්‍යාපාරය පැරදවූ නායකයාට නොමැතිවීම මොන අභග්‍යයක් දැයි පැහැදිලි නැත. ඒ තබා ඇමරිකාවට යුද ප්‍රකාශ කළ අවසේස නායකයන් අල්ලස් කොමිසම හමුවේ මෙතරම් බීරාන්ත වී ඇති ප්‍රමාණය පුදුම සහගතය.
කෙසේ වෙතත් වත්මන් යහපාලන පාලන ක්‍රමවේදය විහිළුවට ලක්කරන මහින්දවාදීන් මේ දිනවල නඟන ප්‍රශ්නය නම් 'කෝ හොරු ඇල්ලුවාද ? 'යන්නය.
මේ සිදුවෙමින් පවතින දේ අනුව අපට මහින්දවාදීන්ගෙන් අසන්නට වන්නේ 'ඇයි හොරු අල්ලන්න දෙන්නේ නැත්තේ? "යනුවෙනි.
දැන් හොරු අල්ලන මෙහෙයුම ක්‍රියාත්මක වෙමින් පවතී, ඒ බව මහින්දවාදීන් අන් හැමෝටම වඩා දැනුවත් භාවයකින් සිටින බව පැහැදිලිය. මේ විරෝධතා ඒ නිසා පැන නැ‍ඟෙන ඒවා මිස වෙනත් තර්කානු කුල භාවයක් එහි නැත.
- ජනතා පාක්ෂිකයා
