පොලිසිය පවසන්නේ දේශපාලන ආරවුලක්‌ මත මෙම ගැටුම සිදුවී ඇති බවයි.
මෙහිදී තුවාල ලැබූ හරීන් ප්‍රනාන්දු මහතා කොළඹ පෞද්ගලික රෝහලකට ඇතුළත්ව තිබේ. ගැටුමින් තුවාල ලැබූ ඔහුගේ බාප්පාගේ පුත්‍රයා වන ඔන්රි මහීල් ප්‍රනාන්දු මහතාද පෞද්ගලික රෝහලකට ඇතුළත් කර ඇත.
ඔන්රි මහීල් ප්‍රනාන්දු පසුගිය ජනාධිපතිවරණ සමයේදී හිටපු ජනාධිපති මහින්ද රාජපක්‍ෂ මහතා ජයග්‍රහණය කරවීමට කටයුතු කළ අයෙකි. හරීන් ප්‍රනාන්දු මහතා සහ ඔන්රි ප්‍රනාන්දු මහතා ආපන ශාලාවේ එකට ආහාර ගනිමින් සිටියදී ඇතිවූ බහින්බස්‌වීමක්‌ මෙම ගැටුම දක්‌වා දුරදිග ගොස්‌ ඇත.
මේ සම්බන්ධයෙන් කොල්ලුපිටිය පොලිසියට දෙදෙනාම පැමිණිලි කර තිබේ.
"මම මගේ පාඩුවේ පැත්තකට වෙලා සිටියේ...... මට බැන්නා මමත් බැන්නා, තල්ලු කරගත්තා එච්චරයි. යෑයි සිද්ධිය සම්බන්ධව ඌව මහ ඇමැති හරීන් ප්‍රනාන්දු මහතාගෙන් කළ විමසීමකදී කියා සිටියේය.
ජනාධිපතිතුමාටත් අගමැතිතුමාටත් කුණුහරුප වචන කියලා බැන්නා. ඒ නිසා මමත් බැන්නා. ඔහු මගේ ඥතියෙකුත් වෙනවා. මම කටවහගෙන ඉන්න කිව්වා එච්චරයි.
ඊට පස්‌සේ මම එනවිට මාව තල්ලු කළා. මමත් තල්ලු කළා. මටත් පහරක්‌ වැදුණා. යෑයි ඌව මහ ඇමැතිවරයා සඳහන් කළේය.
එම ස්‌ථානයේදී මා මාධ්‍යවේදියකුට සම්මුඛ සාකච්ඡාවක්‌ ලබාදීමටයි සූදානම්ව පැත්තකට වෙලා මගේ පාඩුවේ හිටියේ. ඔහු තමයි මුලින්ම මට බැන්නේ යෑයිද හෙතෙම වැඩිදුරටත් පැවසීය.
divaina
