මේ අනුව බස්රථ, ලොරි රථ, ත්‍රිරෝද රථ යතුරු පැදි වම් පැත්තේ මං තීරුවෙන් ධාවනය කළ යුතුය. මෙම නීතිය දැනට කොළඹ ප්‍රදේශය තුළ ක්‍රියාත්මකය.
ඊයේ (23දා) පැවති මාධ්‍ය සාකච්ඡාවකදී මේ බව සඳහන් කළ ලේකම්වරයා වැඩිදුරටත් සඳහන් කළේ, ඉදිරි දින කිහිපය තුළ ලංකාව පුරාම මෙම නීතිය ඇතුළත්ව නව නීති පහක් ක්‍රියාත්මක කරන බවත්ය. මීට අමතරව එකම අවස්ථාවකදී වාහන දෙකක් ඉස්සර කළ නොහැකි බවත්, මීට අමතරව වම් පැත්තෙන් වාහන ඉස්සර කළ නොහැකි බවද ඔහු පවසා සිටියේය.
මාර්ගය අවට වාහන නවතා තැබීමේදී කිසිදු මංතීරුවක් අවහිර කළ නොහැකි බවත්, මගී බස්රථ මගීන් බැස්සවීමට සහ බස්රථය ගොඩකර ගැනීමට බස්රථ නැවත්විය හැක්කේ බස් නැවතුම්පොළ තුළ පමණක් බවද ඔහු සඳහන් කළේය.
මෙම නීති 05 ඇතුළත් කාඩ්පතක් සෑම රියදුරෙකුටම ඉදිරියේදී ලබාදීමට නියමිතය. මෙම නීති උල්ලංඝනය කරන්නන්ට එක් නීතියකට රුපියල් 500 ක දඩයක් නියම කිරීමටත් සැලසුම් කර තිබෙන බවද ලේකම්වරයා සඳහන් කළේය. මීට අමතරව එක් වරදකට ලකුණු 04 ක් අඩුකිරීමටද නියමිත බව පැවසුවේය.
