ස්වදේශ කටයුතු අමාත්‍යාංශය හරහා මහා භාණ්ඩාගාරය අද සිදු කර ඇති මෙම මුදාහැරීමත් සමඟ ඉකුත් දෙසතිය තුළ සංවර්ධන ව්‍යාපෘතිවල ගෙවීම් අවසන් කිරීම වෙනුවෙන් මුදා හැර ඇති මුලු මුදල රුපියල් බිලියන 08 ක් දක්වා ඉහළ යයි. මෙම මුදල් මුදා හැරීමත් සමඟ සංවර්ධන ව්‍යාපෘතිවලට අදාළව, දිස්ත්‍රික් ලේකම්වරුන් අතරැඳි බිල්පත් සියල්ල ගෙවා නිම කිරීමට හැකි වන බව ස්වදේශ කටයුතු අමාත්‍ය ජෝශප් මයිකල් පෙරේරා මහතා පවසයි.
දැනට දිස්ත්‍රික් ලේකම් කාර්යාල මඟින් ක්‍රියාත්මක වන සංවර්ධන ව්‍යාපෘති සඳහා ගෙවීම් අවසන් කිරීම වෙනුවෙන් ඉදිරි කාලසීමාවේ දී තවත් රුපියල් බිලියන 23 ක මුදලක් අවශ්‍ය වනු ඇත. මෙම මුදල් අදාළ ව්‍යාපෘති නිමවන ආකාරය අනුව මහා භාණ්ඩාගාරය ඔස්සේ මුදා හැරීමට පියවර ගන්නා බව ද ස්වදේශ කටයුතු අමාත්‍ය ජෝශප් මයිකල් පෙරේරා මහතා සඳහන් කරයි.
පසුගිය රජය සමයේ ආරම්බ කළ ප්‍රාදේශීය සංවර්ධන ව්‍යාපෘති අත් හි‍ටුවා ඇති බවත් ලක්ෂ ගනනකට රැකියා අහිමි කොට ඇති බවත් රාජපක්ෂ වාදි කණ්ඩායම් ප්‍රචාරයක් ගෙන ගියේය. එහෙත් එලෙස තාවකාලිකව අත් හිටවනු ලැබුවේ දූෂණ අක්‍රමිකතා සම්බන්ධයෙන් චෝදනා එල්ල වූ ව්‍යාපෘති බව රජය ප්‍රකාශ කළේය. මේ වන විට ඒ සම්බන්ධ පරීක්ෂණ කටයුතු සිදුවෙමින් පවතින අතරම එම සංවර්ධන ව්‍යාපෘතීන් අවසන් අදියර දක්වා නිම කිරීමට කිරීමට ද රජය තීරණය කර තිබේ.
