එහි ප්‍රධාන රැළිය මෛත්‍රීපාල සිරිසේන මහතාගේ ප්‍රධානත්වයෙන් කොළඹ හයිඩ් පිටියේ පැවැත්වෙන අතර මහින්ද රාජපක්ෂයේ සහභාගිත්වය සිදුවෙනවාය කියමින් ප්‍රචාරය කරන අනෙක් රැළිය කිරුලපන ලලිත් ඇතුලත්මුදලි ක්‍රීඩාංගනයේදි පැවැත්වීමට නියමිතය. කෙසේ නමුත් මෙම මැයි රැළිය සඳහා මහින්ද රාජපක්ෂ සහභාගී නොවන බව ලිඛිතව දන්වා ඇති බව වාසුදේව නානයක්කාර මහතා පවසයි.
එජනිස ප්‍රධාන රැළිය සඳහා ද කළ ආරාධනය ද මහින්ද රාජපක්ෂ විසින් ප්‍රතික්ෂේප කර ඇත.කෙසේ නමුත් දේශපාලන විචාරකයන් පෙන්වා දෙන්නේ මෙවර මැයි දිනයෙන් එජනිස වෙන් වීම නිලවශයෙන් තහවුරු කරන්නක් බවත් ඒ යළි එක් කිරීමට නොහැකි වනු ඇති බවත්ය. එමෙන්ම එජනිස සභාපතිවරයාවන මෛත්‍රීපාල සිරිසේන මහතාට සිය පක්ෂය ගැන තීන්දු තීරණ ගැනීමද මේ අනුව පහසු වනු ඇති බවය.
