ජනවාරි 08 වනදා පැවති ජනාධිපතිවරණයෙන් මහින්ද රාජපක්ෂ ආණ්ඩුව පරදවා වත්මන් ආණ්ඩුව ඡන්ද ලක්ෂ 62 කට වඩා ලබාගෙන ඓතිහාසික ජයග්‍රහණයක් හිමි කර ගත්තේ මෛත්‍රීපාල සිරිසේන ජනපති කරමු රනිල් අගමැති කරමු යන්න ප්‍රකාශ කරමින් බව අමාත්‍ය හරීන් ප්‍රනාන්දු මහතා පැවසුවේය.

මහින්ද රාජපක්ෂ පරදවා ජනතා ඡන්දයෙන් තේරීපත්වූ වත්මන් ආණ්ඩුව කිසි සේත් පිං ආණ්ඩුවක් නොවන බව ඔහු අවධාරණය කළේය.කිසිම අවස්ථාවක එජාපය බලෙන් අයිති නැති දෙයක් ලබා ගැනීමට කටයුතු නොකළ බවත් රනිල් වික්‍රමසිංහ අගමැතිවනවාට අකමැති නම් ජනතාව ජනවාරි 08 දා නව රජය බලයට පත්නොකරන බවත් පැවසුවේය.

ඩිලාන් පෙරේරාගේ මෙම පිනා කතාව සමග ඔහු තම තත්වය හෙළිදරව් කරගත් බවත් වත්මන් ආණ්ඩුවේ සිටින පිනා අමාත්‍යවරයා ඔහු බවත් හරීන් ප්‍රනාන්දු අවධාරණය කළේය.

මහින්ද රාජපක්ෂට වැඩ කරමින් වත්මන් ආණ්ඩුවේ ඇමතිධූරයක් දරන ඩිලාන් පිනා ඇමතිකෙනෙක් බවත් ඒ පිංගුත්තරකම ගැන මෙසේ හෙළිදරව් කිරීමට අවස්ථාවක් ලබාදීම පිළිබදව සතුටු වන බව ඔහු වැඩිදුරටත් පැවසුවේය.

සම්පූර්ණ මාධ්‍ය සාකච්ඡාවට පහතින් සවන් දෙන්න

{soundcloud}https://soundcloud.com/lankadaily/harin-franando{/soundcloud}