වර්තමානය වන විට සියලු දේශපාලන පක්ෂ අලුත් ක්‍රමයක් උදෙසා මූලික ප්‍රතිපත්තිමය එකගකාවයකට පැමිණ ඇති බවත් ,එමගින් අලුත් මැතිවරණ ක්‍රමයකට යාමට විවිධ යෝජනා ඉදිරිපත් වන බවත් අජිත් පී පෙරේරා පවසයි. නමුත් මෙම යෝජනා වල බරපතල ප්‍රශ්නයක් ඇති බවත්, පාර්ලිමේන්තුව තුළ කාන්තා නියෝජනය තහවුරු කිරීම සදහා අවශ්‍ය වන්නාවූ ප්‍රතිපාදන කිසිවක් කිසිම යෝජනාවක අන්තර්ගත නොවන බවත් හෙතෙම පවසා සිටියේය.

අද වන විට ලංකාවේ ජනගහනයෙන් 52% ක් කාන්තාවන් බවත් වැදගත් සෑම වෘත්තියකම බහුතරය නියෝජනය කරන්නේ කාන්තාවන් බවත් අමාත්‍යවරයා පැවසුවේය.තත්වය මෙලෙස පවතිද්දී පාර්ලිමේන්තුව තුළ පමණක් කාන්තා නියෝජනය පසුගාමීව පැවතීම පිළිබදව අවධානය යොමු කළ යුතු බව අමාත්‍යවරයා සදහන් කළේය.

මනාප ක්‍රමය ඉවත් කිරීම තුළ මෙම ප්‍රශ්නයට විසදුමක් නොලැබෙන බවත් මනාප ක්‍රමය ඉවත් කරන අතරම කාන්තා නියෝජනය අවම මට්ටමක හෝ පවත්වා ගෙන යාමට ව්‍යවස්ථාපිත ප්‍රතිපාදන යෙදීමට යෝජනා කරන බවත් පැවසුවේය.

පාර්ලිමේන්තුව තුළ කාන්තා නියෝජනය පවත්වාගෙන යාම සදහා ජාතික ලැයිස්තුවෙන් පත් කරන්නාවූ මන්ත්‍රීධූර වලින් 50% ක් කාන්තාවන්ට වෙන් කළ යුතු බව අමාත්‍යවරයා පෙන්වා දුන්නේය. සෑම පක්ෂයක්ම එම නියෝජනය තහවුරු කළ යුතු බවත් මෙය යෝජනාවක් ලෙස ඉදිරිපත් කරන බව අමාත්‍යවරයා පැවසුවේය.

නීති සම්පාදනය කරන ආයතනය වන පාර්ලිමේන්තුවට උගත් බුද්ධිමත් අවබෝධය සපිරි කාන්තාවන්ගේ අදහස් වැදගත් බවත් ඒ සදහා කාන්තා නියෝජනය පවත්වාගෙන යාමට ඇති ප්‍රායෝගික ක්‍රමය වන්නේ ජාතික ලැයිස්තුවෙන් පත් කරන මන්ත්‍රීධූර වලින් 50% ක් කාන්තාවන්ට ලබාදීම බව අමාත්‍යවරයා වැඩිදුරටත් පවසා සිටියේය.

සම්පූර්ණ මාධ්‍ය සාකච්ඡාවට පහතින් සවන් දෙන්න

{soundcloud}https://soundcloud.com/lankadaily/ajith-p-perera2015-05-11-112040{/soundcloud}