සිය නීතීඥ අතුල පි‍්‍රයදර්ශන ද සිල්වා මහතා මාර්ගයෙන් හිටපු ජනාධිපතිවරයා එම එන්තරවාසිය යොමුකර ඇත. අමෙරිකානු ඩොලර් බිලියන 18 ක වත්කම් රාජපක්ෂ පවුල සතුව ඇති බවට විදේශ කටයුතු අමාත්‍ය මංගල සමරවීර මහතා පසුගියදා පැවති මාධ්‍ය හමුවකදී ප‍්‍රකාශ කළේය.
එමෙන්ම ශ්රී ලංකාවේ පළමු ටි‍්‍රලියනපතියා මහින්ද රාජපක්ෂ මහතා බවද එහිදී ප‍්‍රකාශ කර අැති බවත්, මෙම චෝදනා සැලකිල්ලට ගෙන අදාල එන්තරවාසිය මංගල සමරවීර අමාත්‍යවරයා වෙත යොමුකල බව නීතීඥ අතුල පි‍්‍රයදර්ශන ද සිල්වා මහතා සඳහන් කලේය.
ඔහු මංගල සමරවීර මහතා වෙත ඉදිරිපත් කර ඇති එන්තරවාසියේ සඳහන් කර ඇත්තේ ඉහත ප‍්‍රකාශයන් තුළින් තම සේවාදායකයාට බලවත් අසාධාරණයක් සිදුව ඇති බවයි. සිය සේවාදායකයාගේ කීර්ති නාමයට එමගින් සිදුවූ පාඩුව ගණනය කළ නොහැකි බවය. එබැවින් එම තත්ත්වයන් සලකා බලා රුපියල් කෝටි සියයක වන්දියක් ගෙවන ලෙසද එම වගකීම පැහැර හරින්නේ නම් නඩු පවරන බවත් මංගල සමරවීර මහතා හට යොමුකර ඇති එන්තරවාසියේ වැඩිදුරටත් සඳහන්ය.
මේ අතර පසුගියදා මුදල් ඇමති රවී කරුණානායක මහතා හිටපු ජනපතිගෙන් රුපියල් මිලියන 2000ක වන්දියක් ඉල්ලා අපහාස නඩුවක් දමන බව පැවසීය.ඒ ලංකාපුත්‍ර බැංකුවෙන් ණය ලබාදීම සම්බන්ධයෙන් හිටපු ජනාධිපතිවරයා විසින් කර ඇති ප්‍රකාශයක් පදනම් කරගනිමින්ය.
සබැදි පුවත්
