1931 වසරේදී හිමි වූ සර්වජන ඡන්ද බලයෙන් කාන්තාවට ඡන්ද අයිතිය ලැබුණද එදා සිට මේ දක්වා වූ කාලය තුළ පාර්ලිමේන්තුවේ කාන්තා නියෝජනය 6% වඩා වැඩි වී නොමැති බව කාන්තා සහ මාධ්‍ය සාමූහිකයේ නිර්මාතෘ, කාන්තා අයිතිවාසිකම් පිළිබඳ කි‍්‍රයාකාරිනී කුමුදුනී සැමුවෙල් මහත්මිය පෙන්වා දෙයි.
විසි වන ව්‍යවස්ථා සංශෝධනය සළකා බැලීමේදී සැම දෙනෙකුටම යම්කිසි ආකාරයකින් හානියක් නොවන ලෙස එය සංශෝධනය කර ඇති බව ප‍්‍රකාශ කෙරුණද කාන්තාවන්ගේ අඩු නියෝජනය හෝ අවට නියෝජනය තක්සේරුවට ගෙන නොමැති බවයි ඇය සඳහන් කළාය. පාර්ලිමේන්තුවේ දෙසිය විසි පහක් වන මන්තී‍්‍ර සංඛ්‍යාවෙන් කාන්තාවන් 13 දෙනෙකු පමණක් සිටින බවද කුමුදුනී සැමුවෙල් මහත්මිය පැවසුවාය.කෙසේ වෙතත් නව ක‍්‍රමය යටතේ මන්තී‍්‍ර ආසන සංඛ්‍යාව දෙසිය පනස් පහක් දක්වා වැඩි වනු ඇත.
පළාත් පාලන සහ පළාත් සභාවල සියයට විසි පහක කාන්තා නියෝජනයක් ගෙන එන බවට ජනාධිපතිවරයා ප‍්‍රතිඥාවක් ලබාදුන් බවද ඇය පෙන්වා දුන්නාය. නමුත් වර්තමානයේ පාර්ලිමේන්තුවේ කාන්තා නියෝජනය පවතින්නේ 4.8 %කඅවම ප‍්‍රමාණයක් බවත් එය දකුණු ආසියාවේ අඩු ප‍්‍රතිශතයක් පෙන්නුම් කරන බවත් සදහන් කළාය.
