පළාත් පාලන අායතන 234 ක ධූරකාලය මේ මස 05 වන දිනද අායතන 65ක ධූරකාල සීමාව ජූලි මස 31 දාද අායතන 21ක ධූර කාලය ඔක්තෝම්බර් 16 දාද අායතන 02 කාලසීමාව ඔක්තෝම්බර් 31 ද අවසන් වීමට නියමිතව පවතී.
ඒ අායතන පාලනය වන මහනගර සභා අාඥාපනත, නගර සභා අාඥාපනත සහ ප්‍රාදේශීය සභා පනත යන පනත්වල විධිවිධාන ප්‍රකාරව අදාළ වන පරිදි ඒවායේ ධූර කාලය තවදුරටත් දීර්ඝ කිරීමේ හෝ කෙටි කිරීමේ හැකියාව පවතී. නමුත් ඉදිරියේදී කොට්ඨාස ක්‍රමය පදනම් කර ගත් මිශ්‍ර මැතිවරණ ක්‍රමයක් යටතේ මැතිවරණයක් පවත්වා පළාත්පාලන අායතනවල සභිකයින් තෝරා පත්කර ගැනීමට හැකියාව අැති බැවින් පළාත් පාලන අායතනවල ධූර කාලය දීර්ඝ නොකර ඒවායේ ධූරකාලය අවසන්වීමට ඉඩ හරින බව රාජ්‍ය පරිපාලන,පළාත් පාලන හා ප්‍රජාතන්ත්‍රීය පාලනය පිළිබද අමාත්‍ය කරූ ජයසූරිය විසින් අමාත්‍ය මණ්ඩලයේ අවධානයට යොමු කරනු ලැබු බව පැවසුවේය.
