ලංකාවේ විදේශගත ශ්‍රමිකයන් වැඩිම පිරිසක් සිටින්නේ සෞදි අරාබිය තුලයි. එම ප්‍රමාණය 500,000ක් පමණ වන බව පැවසේ.
ඇමතිවරිය පවසන පරිදි දැනට විවිධ ආයතන මගින් පිරිනමන වැටුප්වල විශාල විෂමතාවන් පවතියි. මෙය මගහරවා ගැනීම සඳහා මේ නව ක්‍රම වේදය ඉවහල්වනු ඇති බව ඇමතිවරිය පවසයි.
මේ වනවිට ශ්‍රී ලංකාවේ සෞදි තානාපති කාර්යාලයේ උසස් නිධාරීන් සමඟ මේ පිළිබඳ සාකච්ඡා කොට ඇති බව පැවසේ. මේ පිළිබඳ සෞදි බලධාරීන් සමඟ සාකච්ඡා කිරීමට අවශ්‍ය ඉදිරි පියවර ගැනීමට සෞදි තානාපති කාර්යාලය එකඟ වී ඇති බව විදේශ රැකියා කාර්යාලය පවසයි.
එම කාර්යාංශය පවසන පරිදි දැනට ශ්‍රී ලංකා ගෘහ සේවිකාවන් සඳහා සෞදි රියාල් 900ට වඩා වැඩි වැටුපක් හිමිවේ. මෙම ප්‍රමාණය අවම වැටුපක් හරහා තවදුරටත් වැඩි කරගැනීම ශ්‍රී ලංකා විදේශ සේවා කාර්යංශයේ අරමුණයි.
