ව්‍යාජ තොරතුරු ඉදිරිපත් කර ගමන් බලපත්‍රයක් ලබාගත් බවට චෝදනා කරමින් ශෂී වීරවංශ මහත්මියට එරෙහිව ගොනුකර ඇති නඩුව අද කොළඹ මහේස්ත්‍රාත් අධිකරණය හමුවේ විභාගයට ගත් අවස්ථාවේ අපරාධ පරීක්ෂණ දෙපාර්තමේන්තුව මේ බව දැනුම් දුන්නේය.
මෙහිදි විත්තිය පාර්ශවය වෙනුවෙන් අදහස් දැක්වූ නීතිඥවරයා පවසා ඇත්තේ සැකකාරිය ඇප කොන්දේසි කඩ නොකොට මසකට වරක් අධිකරණයේ රෙජිස්ටාර්වරිය වෙත වාර්තා කර ඇති බැවින් ඇයට පනවා ඇති එම නියෝගය ලිහිල් කරන ලෙසය.
ඒ අනූව ඇය මාස 3ට වරක් අධිකරණයේ රෙජිස්ටාර් වෙත වාර්තා කිරීම ප්‍රමාණවත් බව මහේස්ත්රාත්වරයා දැනුම්දී ඇත.
එසේම ඇය සම්බන්ධයෙන් ගන්නා ඉදිරි ක්‍රියාමාර්ග ගැන නීතිපතිගෙන් උපදෙස් ලබා ගන්නා බවද එහිදී රහස් පොලීසිය අධිකරණයට දැනුම්දී තිබේ.
එම පැමිණිල්ල සැප්තැම්බර් 11 වැනිදා යළි විභාගයට ගැනීමට මහේස්ත්රාත්වරයා නියෝග කළේය.
