ලයනල් බෝපගේ මහතා මේවන විට ඕස්ට්‍රේලීයාවේ පදිංචිව සිටින අතර එහි පුරවැසි භාවයටද හිමිකම් කියයි. ද්විත්ව පුරවැසි බාවය සම්බන්ධයෙන් නව ආණ්ඩුවේ ප්‍රතිපත්තිය මත ඒ ඔහු ඉල්ලුම් කර මේ වන විට මාස කිහිපයක්ම ඉක්ම ගොස් ඇත. ද්විත්ව පුරවැසි භාය ඉල්ලුම කර ඇති දෙදෙහසකට ආසන්න පිරිසක ගෙන් අවශ්‍ය සුදුසුකම් සැපිරූවන්ගෙන් හාර සියයකට පමණ ඒ ලබා දීමට තීරණය කර ඇතැයිද වාර්තාවේ.
කෙසේ නමුත් බෝපගේ මහතාගේ ඉල්ලුම් පත්‍රය ප්‍රතික්ෂේප වූයේ නම් ඒ කවර හේතු මතද යන්නවත් ඔහුට දන්වා නැත. මේ සම්බන්ධයෙන් ජනධිපතිවරයාට, අගමැතිවරයට විදේශ ඈමැතිවරයාට හා මුදල් ඇමැතිවරයාට ද ලිපි යොමු කර ඇතත් කිසිවකුගෙන් යහපත් ප්‍රතිචාරයක් මේවන තුරුත් ලැබී නැතැයි දැන ගැනීමට තිබේ. බෝපගේ මහතා පැවැති රාජපක්ෂ රෙජීමය පෙරලා දැමීම වෙනුවෙන් නිරන්තරයෙන් සහය පළ කළ අයෙකි.
එමෙන්ම ජනතා විමුක්ති පෙරමුණෙන් බිඳී වෙන්වූ තවත් නායකයකු වූ ප්‍රේමකුමාර් ගුණරත්නම් මහතාටද මෙරට පුරවැසි භාවය ලබා දීම ආණ්ඩුව ප්‍රතික්ෂේප කර ඇති අතර ඔහුව පි‍ටුවහල් කළ යුතු පුද්ගලයකු බවට තීන්දු කර ඇත. ඒ මහතා මේ වන විට මෙරට රහසිගතව රැඳී සිටී. ඔහුද ඕස්ට්‍රේලියානු පුරවැසියකු වේ.
