ජනාධිපතිවරයා මෙම අදහස් පළ කළේ ඊයේ (23) පැවති නිදහස් පක්ෂයේ මොණරාගල දිස්ත්‍රික් සම්මේලනය අමතමිනි.
ශ්‍රී ලංකා නිදහස් පක්ෂය සිය පක්ෂය බවත් එය බෙදා වෙන් කිරීමට කිසිවිටෙකත් තමන් කටයුතු නොකළ බවත් ජනාධිපති මෛත්‍රීපාල සිරිසේන මහතා එහිදී සදහන් කළේය.
එක්සත් ජාතික පක්ෂය සමඟ ශ්‍රී ලංකා නිදහස් පක්ෂය පළමුව සන්ධානගත කරවූයේ තමන් නොව හිටපු ජනාධිපති මහින්ද රාජපක්ෂ මහතා බවද පැවසූ‍වේය.
රට දිනවීම මෙන්ම පක්ෂය දිනවීමේ වගකීමද මේ වන විට තමා වෙත පැවරී ඇති බවත් පක්ෂය වෙනුවෙන් තම යුතුකම් නොපිරිහෙලා ඉටු කරන බව මෛත්‍රීපාල සිරිසේන මහතා වැඩිදුරටත් ප්‍රකාශ කළේය.
මහමැතිවරණයට අපේක්ෂකයින් තෝරා පත් කර ගැනීම සඳහා නිදහස් පක්ෂයේ නාමයෝජනා මණ්ඩල පත් කිරීම ඉදිරි දින කිහිපය තුළ සිදුකරන බවත් පළාත් පාලන මැතිවරණයද කඩිනමින් පවත්වන බව ජනාධිපතිවරයා මෙහිදී වැඩිදුරටත් කියා සිටියේය.
