ජනාධිපතිවරයා මේ බව පැවසුවේ යාපනය වෙම්බඩි උසස් බාලිකා විදුහලේදී අද (26) පැවති රැස්වීමකට සහභාගී වෙමිනි.
යාපනය දිස්ත්‍රික්කයේ ඇති වූ නොසන්සුන් තත්ත්වය පිළිබඳව සොයා බැලීමට ජනපති මෛත්‍රීපාල සිරිසේන මහතා අද (26දා) දහවල් යාපනයේ හදිසි සංචාරයක නිරතවිය.
යාපනයට පැමිණි ජනාධිපතිවරයා උතුරු පළාත් ප්රධාන අමාත්‍ය සී.වී.විග්නේශ්වරන් මහතා සහ උතුරු පළාත් ආණ්ඩුකාර ජී.එස්.පලිහක්කාර ඇතුළු පිරිසක් විසින් පිළිගනු ලැබීය.
ජනාධිපතිවරයා යාපනය වෙම්බඩි උසස් බාලිකා විදුහලේදී පැවති රැස්වීමකට සහභාගී වෙමින් කියා සිටියේ පාසල් සිසුවියගේ ඝාතනය දැඩි ලෙස හෙළාදකින බවත්, යාපනය දිස්ත්‍රික්කයේ එවැනි සිදුවීම් සිදුනොවීමට වගබලාගත යුතු බවත්ය. සිසුවියගේ ඝාතනයට සම්බන්ධ සැකකරුවන් විශේෂ අධිකරණයක් හමුවට පමුණුවා කඩිනම් නඩු විභාගයක් පැවැත්විය යුතු බවද ජනාධිපතිවරයා එහිදී පවසා ඇතැයි ජනපති මාධ්‍ය අංශය සදහන් කර සිටියේය.
ඉලංගෙයි තමිල් අරුසකච්චි පක්‍ෂයේ නායක මාවෙයි සේනාධිරාජා , නියෝජ්‍ය ඇමතිනි විජයකලා මහේස්වරී යන අයද මෙම අවස්ථාවටසහභාගී වූහ.
