බැඳුම්කර නිකුත් කිරීමේදී ඇති වූ ගැටලුකාරී තත්ත්වය පිළිබඳව භාණ්ඩාගාර ලේකම් ආචාර්ය ආර්.එච්.එස්. සමරතුංග මහතාගෙන් ඊයේ (26දා) ප්‍රකාශ සටහන් කරගත් බව කෝප් කමිටුවේ සභාපති පාර්ලිමේන්තු මන්ත්‍රී ඩිව් ගුණසේකර මහතා සඳහන් කළේය.
බැඳුම්කර නිකුත් කිරීමේදී යම් අක්‍රමිකතාවක් සිදු වී තිබේද යන්න සොයාබැලීමට කෝප් සභාව යටතේ කමිටුවක් පත්කර තිබේ.
මෙම කමිටුවට 13 දෙනෙකු ඇතුළත් වේ. පාර්ලිමේන්තු මන්ත්‍රී ඩිව් ගුණසේකර මහතා එහි සභාපතිත්වය දරයි. ඉතිරි සාමාජිකයන් සියලු දෙනාද පාර්ලිමේන්තු මන්ත්‍රීවරුන් වන අතර, අදාළ සිදුවීම මූල්‍ය ගනුදෙනුවක් නිසා මහා භාණ්ඩාගාරයේ විශ්‍රාමික නිලධාරියෙකු හරහා මෙම කමිටුව ඊට අදාළ දැනුම ලබාගෙන ඇත.
මෙම කමිටුව ඉදිරියට මහ බැංකු අධිපති අර්ජුන් මහේන්ද්‍රන් මහතාද කැඳවීමට නියමිත අතර, ඊයේ (26) සිට සති දෙකක් ඇතුළත මෙම කමිටුවේ වාර්තාව පාර්ලිමේන්තුවට ලබාදීමට කටයුතු කරන බව ඩිව් ගුණසේකර සඳහන් කළේය.
සබැදි පුවත්
රාජපක්ෂලා බිලියන 2,700ක් හිතවතුන්ට බෙදලා-රනිල්(AUDIO)
