නැසී ගිය හා අබාධිත වූ ශ්‍රමිකයන්ගේ පවුල් 33 කට රුපියල් මිලියන 50 ක මුදලක් චෙක්පත් මගින් බෙදා හරින ලදී.
මෙහිදී අදහස් දක්වමින් මංගල සමරවීර මහතා පැවසුවේ විදෙස් රටවල සේවයේ නියැලීමේදී විවිධ අනතුරු හා අබාධ වලට මුහුණ දෙන ශ්‍රමිකයන් හා ඔවුන්ගේ පවුල්වලට ලැබිය යුතු නිසි වන්දි මුදල් ලබා දීම විදේශ කටයුතු අමාත්‍යාශයේ කාර්යභාරය මෙන්ම වගකීමක් බවයි.
එලෙස අගතියට පත් ශ්‍රමිකයන් වෙනුවෙන් ඒ ඒ රටවල් වල නීති රීති වලට අනුව ලැබිය යුතු වන්දි මුදල් ලබා දීම සදහා කොන්සියුලර් අංශය සහ විදේශ තානාපති කාර්යාල පියවර ගෙන ඇත. විශේෂයෙන්ම සවුදි, කටාර්, ජෝර්දාන හා මැලේසියානු තානාපති කාර්යාල වල උපදෙස් මත සහ අදාල රටවල් සමග සාකච්ඡා කර ඉක්මනින් සහන ලබා දීමට කටයුතු කරන ලදී
එසේම විදේශ විනිමය උපයන්නන් අතර ප්‍රධාන පාර්ශවයක් වන මෙම ශ්‍රමිකයන් ලංකාවට ගෙන එන විදේශ විනිමය කිසිසේත් අමතක කල නොහැකි බවත් ඔවුන්ගේ පවුල් මෙන්ම තම රටත් වැඩි දියුණු කිරීමට ගනු ලබන අසීමිත උත්සහයන් අගය කළ යුතු බවත් සමරවීර මහතා අවධාරණය කළේය. ශ්‍රී ලංකා ශ්‍රමිකයන්ගේ අයිතීන් රැක ගැනීමට විදේශ කටයුතු අමාත්‍යාංශය කටයුතු කරන බවත් මෙහිදී සදහන් කළේය.
