නිවාස ඉදිකිරීම් ඉංජිනේරු සේවා සහ පොදු පහසුකම් අමාත්‍යාංශය යටතේ පවතින ආයතන 09ක් සඳහා 2015 වර්ෂයට අදාළ දිනපොත් හා කැලැන්ඩර් මුද්‍රණය කිරීම වෙනුවෙන් නුගේගොඩ ඉමාෂි ප්‍රකාශන ආයතනයට මිලියන 140ක මුදලක් ගෙවීමෙන් මූල්‍ය අක්‍රමිකතාවක් සිදුවී ඇති බවට ඕෂන් වීව් පෞද්ගලික සමාගමේ සභාපති පූර්ණ චන්දන සිල්වා මහතා කළ පැමිණිල්ලක් පිළිබඳ අධිකරණයට දැනුම් දෙමින් කළ ඉල්ලීමක් සලකා බැලූ මහේස්ත්‍රාත්වරයා එලෙස නියම කළේය.
දින පොත් හා කැලැන්ඩර් මුද්‍රණය කිරීම වෙනුවෙන් වැය කළ රුපියල් මිලියන 140ක මුදල සෘජුව හෝ වක්‍රව උපලබ්දි හෝ ව්‍යුත්පන්න කර ඇද්ද? යන්න පිළිබඳ පරීක්ෂණ පවත්වන බව දැනුම් දුන් මූල්‍ය අපරාධ විමර්ශන කොට්ඨාසය, මුදල් විශුද්ධිකරණ පනත යටතේ කරගෙන යන මෙම පරීක්ෂණයට අදාළ ප්‍රගතිය වාර්තා කිරීම සඳහා තමන්ට දිනපොත් ලබාදෙන්නැයි ඉල්ලා සිටියේය.
ඊට අවසර දුන් මහේස්ත්‍රාත්වරයා පරීක්ෂණවල ප්‍රගතිය ලබන සැප්තැම්බර් 05 වැනිදා දැනුම් දෙන ලෙස නියම කළේය.
අද
