මේ වන විට වෙළෙඳ පොළ වෙත ලැබෙමින් පවතින දේශීය අර්තාපල් සහ ලොකු ලූනු සැපයුම අඩු වෙමින් පැවතීම හේතුවෙන් දේශීය වෙළෙඳ පොළේ මිල ඉහළ යාමෙන් පාරිභෝගිකයන් අපහසුතාවට පත් වීම වැලැක්වීම සඳහා ආනයනික අර්තාපල් සහ ලොකු ලූනු බදු අද (05) මධ්‍යම රාත්‍රියේ සිට අඩු කෙරේ.

ඒ අනුව අර්තාපල් කිලෝ ග්‍රෑම් එකක් ආනයනය කිරීමේ දී අය කළ රුපියල් 55 විශේෂ වෙළෙඳ භාණ්ඩ බද්ද රුපියල් 30 දක්වා ද, ලොකු ලූනු කිලෝ ග්‍රෑම් එකක් ආනයනය කිරීමේ දී අය කළ රුපියල් 30 විශේෂ වෙළෙඳ භාණ්ඩ බද්ද රුපියල් 10 දක්වා ද පහළ දැමේ.

දේශීය ආර්තාපල් සහ ලොකු ලූනු ගොවීන්ට සාධාරණ මිලක් ලබා ගැනීමට හැකි වන පරිදි අස්වනු නෙළන සමයේ දී එනම් 2015 අප්‍රේල් මාස 23 ආනයනික අර්තාපල් සහ ලොකු ලූනු සඳහා බදු ඉහළ දැමීමට කටයුතු කෙරිණි.