පාසල් තුළ තාක්‍ෂණික විෂයන් ඉගැන්වීම, ප්‍රවර්ධනය කිරීම මෙන්ම ජාතීන් අතර සුහදතාව වර්ධනය කර ගැනීමේ අවශ්‍යතාව වන සන්නිවේදන කුසලතා වැඩි දියුණු කිරීමේ අරමුණින් භාෂා විෂයන් ඉගැන්වීම ද ප්‍රවර්ධනය කළ යුතු බව ජනාධිපතිවරයා පෙන්වා දුන්නේය.
සිංහල සිසුන්ට දෙමළ භාෂාව ද දෙමළ සිසුන්ට සිංහල භාෂාව ද ඉගැන්වීම කෙරෙහි අදට වඩා ශක්තිමත් වැඩපිළිවලක් ක්‍රියාත්මක කිරීම කෙරෙහි ද අවධානය යොමු කළ යුතු බව ජනාධිපතිවරයා පෙන්වා දුන්නේය.
ජාතික අධ්‍යාපන කොමිෂන් සභාවේ නිළධාරීන් විසින් එම කොමිෂන් සභාවේ මෙතෙක් කටයුතු සම්බන්ධයෙන් මෙන්ම ඉදිරි යෝජනා සම්බන්ධයෙන් ද ජනාධිපතිතුමා දැනුවත් කරනු ලැබීය.
මෙම අවස්ථාවට ජනාධිපති ලේකම් පී.බී. අබේකෝන් මහතා ද ජාතික අධ්‍යාපන කොමිෂන් සභාවේ සභාපති මහාචාර්ය ලක්ෂ්මන් ජයතිලක මහතා ප්‍රමුඛ එම කොමිෂන් සභාවේ නිළධාරීන් සහභාගීව සිටියහ.
