තවදුරටත් පිළිකා රෝග ව්‍යාප්තිය පිළිබඳව කරුණු අනාවරණය කළ විශේෂඥ වෛද්‍යතුමිය මෙසේද පැවැසුවාය.
වාර්ෂිකව පිළිකා රෝග සායනවලදී ප්‍රතිකාර ලබන රෝගී සංඛ්‍යාව විසිදහස දක්‌වා ඉහළ ගොස්‌ තිබෙනවා. පිළිකා රෝගීන් සඳහා වාට්‌ටු දෙකක්‌ තිබෙනවා. මේ වාට්‌ටු දෙකේම තියෙන්නේ ඇඳන් 30 යි. රෝගීන් සිය ගණනක්‌ නේවාසිකව ඉන්නවා. රෝගීන්ට ඇඳන් ලබාදීම බරපතල ගැටලුවක්‌. සෑම ඇඳකම රෝගීන් දෙදෙනා බැගින්. ඊට අමතරව කොරිඩෝව දිගේ, පුටුවල, රාත්‍රි කාලයට බිම රෝගීන් ගත කරනවා. මෙය මානුෂික ගැටලුවක්‌. අලුතෙන් ලියාපදිංචි වී සිටින පිළිකා රෝගීන් 1116 කට පහසුකම් සැලසීම ලොකුම ප්‍රශ්නයක්‌.
මේ තත්ත්වය නිසා වකුගඩු රෝගය මෙන්ම පිළිකා රෝගයද උතුරුමැද පළාත පුරා ඝන සැරේට ව්‍යාප්ත වන හෙයින් මහල් හයකින් යුත් පිළිකා රෝගීන් සඳහා රෝහලක්‌ ඉදිකරන ලෙස රජයට යෝජනා කර සිටිනවා යෑයිද වෛද්‍යවරිය පැවැසුවාය.
ශ්‍රී ලංකා පිළිකා සංගමයේ අනුශාසක උතුර උතුරුමැද දෙපළාතේ ප්‍රධාන සංඝනායක නුගේතැන්නේ පඤ්Æනන්ද හිමියෝ මෙහිදී කරුණු දක්‌වමින් විශේෂයෙන් උතුරු මැද පළාතේ පළාත් සභාව ඇතුළු මැති ඇමැතිවරුන්ගේ කඩිනම් අවධානය යොමුවී උතුරුමැද වකුගඩු රෝගීන්ටත්, පිළිකා රෝගීන්ටත් ප්‍රතිකාර ලබාදීම සඳහා නිවැරදි වැඩපිළිවෙළක්‌ කඩිනමින් ක්‍රියාත්මකකිරීම ජනතාවගෙන් ජීවත්වන මැති ඇමැතිවරුන්ගේ පරම වගකීම යෑයි පැවසූහ.
divaina
