මහ මැතිවරණයකට බියක් නැතැයි රජය හා විපක්ෂය කළ ප්‍රකාශවලට ප්‍රතිචාර දක්වමින් කථානායක රාජපක්ෂ මහතා එසේ කීය. හැකි නම් පාර්ලිමේන්තුව විසුරුවා හැර මහ මැතිවරණයක් පවත්වන ලෙසට වරප්‍රසාද ප්‍රශ්නයක් පිළිබඳ කරුණු දක්වමින් දිනේෂ් ගුණවර්ධන මහතා ප්‍රකාශ කළ විට තමන් මහ මැතිවරණයකට බිය නැති බව අගමැති රනිල් වික්‍රමසිංහ මහතා කීය.
විසි වන ව්‍යවස්ථා සංශෝධනය ගේන‍්නේ නැතිව ද විසුරුවා හරින්නේ කියා මෙහිදී සභානායක ලක්ෂ්මන් කිරිඇල්ල මහතා සභාවෙන් විමසූ විට විසුරුවා හරින්නැයි විපක්ෂය ඉල්ලා සිටියේය. විස්ස අවශ්‍ය බව සභානායක වරයා අවධාරණය කළ විට දෙගොල්ලෝම මහමැතිවරණයකට බය බව තමාට පෙනෙන්නේ යැයි කථානායක රාජපක්ෂ මහතා කීය.
කෙසේ නමුත් දින සියය අවසානයේ ප්‍රථමයෙන් ආණ්ඩුව විසුරුවා හරිය යුතු බව කිවේ එක්සත් ජාතික පක්ෂයය. ඊට ප්‍රතිචාර ලෙස 20 වම සංශෝධනය සම්මත කිරීමෙන් තොරව ආණ්ඩුව විසිරුවා හැරීමට ඉඩ නොදෙන බව එජනිස පැවැසීය මේ වන විට 20 වන සංශෝධය වෙනුවෙන් එජාපය පෙනී සිටින අතර ඒ සම්මත කිරීමෙන් තොරව වුව ආණ්ඩුව විසුරුවා හැරීමට එජනිස සූදානම්ය.
