රජය හිටපු ජනාධිපතිවරයාගේ ආරක්ෂාව ගැන තැකීමක් කරන්නේ නැති බව සඳහන් කරමින් මෙම ගොඩ නැගීම සඳහා හේතු දක්වන අතර මෙරටේ වැඩිම ජීවිත තර්ජනයක් ඇත්තේ ද ඔහුට බව මෙම පිරිස පවසති. පසුගියදා පූජ්‍ය මුරුත්තෙට්ටුවේ ආනන්ද හිමියන් අභයාරාමයේදී මාධ්‍ය අමතමින් රාජපක්ෂ මහතාගේ ආරක්ෂාවට 'ජනතා ආරක්ෂක බලකාය'ක් පිහි‍ටු වීමට තීරණය කර ඇති බව සඳහන් කර තිබිණි.
එහෙත් රජය පවසන්නේ හිටපු ජනාධිපතිවරයකුට ලබා දියයුතු ආරක්ෂාව වඩා වැඩි ආරක්ෂාවක් රාජපක්ෂ මහතාට ලබා දී තිබෙන බවය. කෙසේ නමුත් බුද්ධි අංශ වර්තා අනුව මේ වන විට මහින්ද රාජපක්ෂ මහතා දැඩි ජීවිත අවධානමක් සහිත පුද්ගලයකු ලෙස නොසැලකේ.
