එ් අනුව මෙම දුරකථන අංක හිමි පුද්ගලයන් සහ ඔවුන් පැවැත්වූ රහසිගත සාකච්ඡා පිළිබඳ තොරතුරු ලබා ගැනීම සඳහා විදුලි සංදේශ නියාමන කොමිසමේ සහාය ලබා ගැනීමට අපරාධ පරීක්‍ෂණ දෙපාර්තමේන්තුව පියවර ගෙන තිබේ.
මේ අතර මෙම ජංගම දුරකථන ආනයනය කළ පුද්ගලයන් පිළිබඳව තොරතුරු ලබා දෙන ලෙස රේගු දෙපාර්තමේන්තුවටද අපරාධ පරීක්‍ෂණ දෙපාර්තමේන්තුව විසින් දැනුම් දී ඇත.
"සන්ඩේ ලීඩර්" කර්තෘ ලසන්ත වික්‍රමතුංග මහතා අබිරහස්‌ අන්දමින් වෙඩි තබා ඝාතනය කිරීමේ සිද්ධිය පිළිබඳව මේ වනවිට වැදගත් තොරතුරු රැසක්‌ අනාවරණය වී තිබෙන බවත් පරීක්‍ෂණ කටයුතු මේ වනවිට ඉතාම ක්‍රමවත්ව කඩිනමින් ක්‍රියාත්මක කෙරෙන බවද පොලිස්‌ මාධ්‍ය ප්‍රකාශක රුවන් ගුණසේකර මහතා පවසා සිටියේය.
