නව රජය පත්වීමෙන් පසුව මංගල සමරවීර මහතා නිරතවන පළමු ජපන් සංචාරය මෙය බවත් මෙය ටෝකියෝ නගරයට පමණක් සීමාවූ සංචාරයක් බව සදහන් කළාය.
ජපාන විදේශ අමාත්‍යවරයාගේ ආරාධනයක් අනුව මෙම සංචාරය සිදු කරන බවත් මෙහි ප්‍රධාන අරමුණ වන්නේ ජපාන විදේශ ඇමතිවරයා සමග ද්වීපාර්ශවීය සාකච්ඡා පැවැත්වීමය.
ඊට අමතරව ජපානයේ අභ්‍යන්තර කටයුතු හා සන්නිවේදන කටයුතු පිළිබද ඇමති,ජෙයිකා ආයතනයේ සභාපතිතුමා,ජපාන ශ්‍රී ලංකා පාර්ලිමේන්තු සංගමයේ සභාපතිවරයා හා එහි ජ්‍යෙෂ්ඨ සමාජිකයින් හමුවත්,ජාපාන විදේශ වෙළද සංගමයේ සභාපතිතුමා ,ජපාන ශ්‍රී ලංකා සංගමයේ හිටපු සභාපති,සහ ජපාන හිටපු අගමැතිවරයෙකු හමුවීමටද සැලසුම් කර තිබේ.
ජපාන ශ්‍රී ලංකා ව්‍යාපාරික සහයෝගිතා කමිටුවේ සාමාජික සමාගම්වල නිලධාරීන්ද හමුවීමට නියමිත අතර දැනට ශ්‍රී ලංකාවට ආයෝජනය කරන හා අනාගත ආයෝජකයින් හමුවී සකච්ඡා සිදු කිරීමට නියමිතය.
ජූලි 19 වන දා ජපානයේ ජාතික මාධ්‍ය සමාජයේ මාධ්‍ය හමුවකට සහභාගී වීමට නියමිත අතර 21 වනදා සවස ජපාන අගමැති ෂින්ෂෝ අබේ මහතාව මුණගැසීමට නියමිතය.
අනතුරුව පැවැත්වෙන සම්මන්ත්‍රණයේදී ප්‍රජාතන්ත්‍රීකරණය සහ සංහිදියාව පිළිබද ශ්‍රීලංකාවේ අත්දැකීම් පිළිබද විදේශ ඇමති මංගල සමරවීර මහතා අදහස් දැක්වීමට නියමිතය.
ජපානයෙන් ශ්‍රී ලංකාවට ලබාදෙන ආර්ථික ආධාර ගිවිසුම් දෙකකටද මෙහිදී අත්සන් තැබීමට බලාපොරොත්තු වන බව ඇය සදහන් කළාය.
