ඊට අදාළ යෝජනාව ඊයේ (17) රාත්‍රියේ ජනාධිපති මෛත්‍රීපාල සිරිසේන මහතා වෙත ඉදිරිපත් කොට ජනාධිපතිවරයා සමග ඒ පිළිබඳව සාකච්ඡා කිරීමට නියමිතව තිබුණි. නමුත් ඊයේ මාධ්‍ය සාකච්ඡාවක් පවත්වමින් මෙම කමි‍ටු සාමාජිකයන් දෙදෙනකු වන සුසිල් ප්‍රේමජයන්ත අනුර යාපා දිසානයක විසින් පැවැසූවේ අගමැති අපෙක්ෂකයා වෙන්නේ විපක්ෂ නායක නිමල් සිරිපාල බවය.
මේ අතර රාජපක්ෂවාදී කණ්ඩායමේ ආරංචි මාර්ග පවසන්නේ කිසිසේත්ම මහින්ද රාජපක්ෂට අගමැති අපේක්ෂක ධුරය නොලැබෙන බවට ජනාධිපති සිරිසේන මහතා වෙතින් ස්ථිර පණිවිඩයක් තමන් වෙත ලැබුණු බවය.
කෙසේ නමුත් මෙයින් පැහැදිලි වන්නේ අන්ත අසරණ මහින්ද රාජපක්ෂගේ කැකෝ ගැසීම් පාලනය කිරීම සඳහා මෙම කමි‍ටුව පත් කර ඇති බවය.
ශ්‍රීලනිප ජාතික සංවිධායක සුසිල් ප්‍රේමජයන්ත, ශ්‍රීලනිප මහ ලේකම් අනුර ප්‍රියදර්ශන යාපා, ශ්‍රීලනිප ජ්‍යෙෂ්ඨ උප සභාපති ජෝන් සෙනෙවිරත්න, ශ්‍රීලනිප මාධ්‍ය ප්‍රකාශක ඩිලාන් පෙරේරා, ශ්‍රීලනිපයේ උප සභාපති කුමාර වෙල්ගම, ටී.බි. ඒකනායක මන්ත්‍රීවරු මෙම කමිටුවට අයත්ය.
