ආණ්ඩුවට එරෙහි ජනතා අප්‍රසාදය ජනාධිපතිවරණය වන විට යම්තාක් දුරට සමහන් කරගැනීමේ අරමුණින් මෙම පෙරමුණ ආරම්භ කර ඇතැයිද මේ සඳහා නායකත්වය දෙන බැසිල් රාජපක්ෂ අමාත්‍යවරයා හා එම පෙරමුණේ නායකත්වය ගෙන කටයුතු කරන කිහිපදෙනෙකු අතර ඉතා රහසිගත සම්බන්ධයක් හරහා මෙම ක්‍රියාවලිය පවත්වාගෙන යන බවද එම වෙබ් අඩවිය හෙළිදරව් කර සිටියි. 

මුලදී රැඩිකල් පෙරමුණක් ලෙස ආරම්භකරන මෙම පෙරමුණ පසුව සූක්ෂම ආකාරයෙන් රාජපක්ෂ පාලනය කෙරෙහි වන ජනතා විරෝධය සමනය කිරීම වෙනුවෙන් සීරුමාරු කරගත හැකි ආකාරයෙන් වෙනස් කිරීමට නියමිත බවත්,  මෙ නිසා සියළු පක්ෂ වලින් එම පක්ෂ හැරගිය පුද්ගලයින් මෙම පෙරමුණ සඳහා එක්කර ගැනීමට කටයුතු කරමින් සිටින බවත්  එම වෙබ් අඩවිය  ප්‍රකාශ කරයි.

තවද රාජපක්ෂ පවුලේ ඇති ප්‍රතිවිරෝධතාවන් බැසිල් රාජපක්ෂ අමාත්‍යවරයාට අවශ්‍ය අයුරින් කලමණය කරගැනීම මෙම පෙරමුණේ තවත් එක් අරමුණක් බව එම වෙබ් අඩවිය තවදුරටත් අනාවරණය කරයි.

ජනතා විමුක්ති පෙරමුණ හැරගොස් පසුව ජාතික නිදහස් පෙරමුණට සම්බන්ව සිට මේ වන විට එක්සත් ජනතා නිදහස් සංධානයේ සාමාජිකත්වය ලබා සිටින මන්ත්‍රීවරයෙක් සහ නගරාධිපතිවරයෙක් ද මේ සඳහා ක්‍රියාකාරී කටයුතු කරන බවද එම වෙබ් අඩවිය අවධාරණය කර සිටියි.