ශ්‍රී ලංකා නිදහස් පක්ෂයේ මෛත්‍රී පර්ශ්වයේ කණ්ඩායමක් මෙම සැලසුමේ මහ මොළකරුවන් ලෙස වන බවද වාර්තාවේ. පාර්ලිමේන්තුව විසුරුවා හැරීම ලබන වසර දක්වා කල්දමා ගැනීමට ජනාධිපති මෛත්‍රීපාල සිරිසේන මහතාව කැමැති කරවා ගැනීම මෙහි මුලික පියවර වන අතර පසුව රනිල් වික්‍රමසිංහ අගමැති ධුරයෙන් ඉවත් කර එජාපයේම වෙනත් නායකයකුට අගමැති ධුරය ලබා දීම මෙහි දෙවන පියවරය. ඒ සඳහා අගමැතිවරයාට එරෙහි විස්වාශභංග යෝජනාව පාර්ලිමේන්තු විවාදයට ගැනීමටද අපේක්ෂිතය.
ඉන් පසු එජාප ආණ්ඩුව පිරිහීමට ඉඩ හැර මහ මැතිවරණයකට යාම ශ්‍රී ලනීපයේ ජයග්‍රහණය පහසු කරවන්නක් බව මෙම පිරිසේ සැලසුම බව එම ආරංචි මාර්ග පවසයි. මෙම කාලය තුල මහින්දවාදී කොටස් ජනාධිපතිවරයා වෙත නම්මවා ගැනීමද තමන්ට පාලනය කර ගත හැකි එජාප රූකඩ අගමැතිවරයෙකු හා ආණ්ඩුවක් යටතේ රාජපක්ෂවරු ඇතුළු මෛත්‍රී විරෝධීන් හා දූෂිතයන් දේශපාලන භූමියෙන් ඉවත් කිරීමද පහසු බවත් මෙම කණ්ඩායමේ අදහස වී තිබේ.ශ්‍රීලනීප ආණ්ඩුවක් යටතේ රාජපක්ෂවරුන්ට හා පසුගිය රජයේ දූෂිතයන්ට එරෙහිව කටයුතු කිරීමේ පවතින අපහසුතාවය මෙයින් මඟ හරවා ගත හැක.
රනිල් වික්‍රමසිංහව ඉවත් කිරීම සඳහා මේවන විට ප්‍රමුඛ මාධ්‍ය ජාලයක හිමිකරුවෙකුගේද සහය ලැබී තිබෙන අතර ඔහු මඟින් ජනාධිපතිවරයාව පොළඹවා ගැනීමටද එජාපය තුල නායකත්ව අර්බූදයක් ඇති කිරීමටද සහය ලබා ගැනීමට අපේක්ෂිතය. මෙම නව දේශපාලන තත්වයට හේතු වී ඇත්තේ එජාප නායකයා ඉතා ශක්තිමත් එජාප ආණ්ඩුවක් බිහිකර ගැනීම වෙනුවෙන් පවතින දේශපාලන වියවුල කලමණාකරනය කිරීම වලක්වා ගැනීමය.
එමෙන්ම එජාපයේ නායකත්වය වෙනුවෙන් නියෝජ්‍ය නායක සජිත් ප්‍රේමදාස මහතා හෝ කරූ ජයසූරිය මහතා හෝගෙන ඒම සඳහා සැලසුමක්ද සකස් වෙමින් පවතී.
