පසුගිය රජයේ දූෂණ හෙළිදරව් කිරීමේ 04 වන මාධ්‍ය හමුවට එක්වෙමින් අද (25) කොළඹදී මන්ත්‍රීවරයා මේ බව කියා සිටියේය.

කොළඹ වරාය නගරයේ ඉදිකිරීම් කටයුතුවලින් කොටසක් සඳහා කොන්ත්‍රාත්තුවක් ලබාගත් 'කලම්බු ඉන්ටර්නැෂනල් කන්ටේනර් ටර්මිනල්' නම් වූ චීන සමාගම අ.ඩො 1,50 000 ක මුදලක් පසුගිය රජයේ ප්‍රබල අමාත්‍යවරයෙකු වූ බැසිල් රාජපක්ෂ මහතාගේ බිරිඳ වූ පුෂ්පා රාජපක්ෂ නමින් පවත්වාගෙන යන පදනමක ගිණුමකට බැරකර තිබුණු බව මෙහිදී අනාවරණය කළේය.

පුණ්‍ය ආයතනයක් ලෙස මෙම පදනම 2010 නොවැම්බර් මස 24 දින පිහිටුවා ඇති බවත්, පදනම පිහිටුවා ගත් මෙම පිරිස් විසින්ම මෙම මුදල් පරිහරණය කරන බවට ‍පොලිස් මූල්‍ය අපරාධ කොට්ඨාසය විසින් තහවුරු කරගෙන ඇති බවත් කියා සිටියේය.

අදාළ කොන්ත්‍රාත්තුව චීන සමාගමට පැවරීම පිටුපස සිටින පුෂ්පා රාජපක්ෂ මහත්මියගේ සැමියා වන බැසිල් රාජපක්ෂ මහතා අදාළ සමාගමෙන් ඔහුට ලැබුණු කොමිස් මුදල වන අ.ඩො 1,50 000 ක මුදල සෘජුවම ඔහු විසින් බාරනොගෙන බිරිඳගේ ගිණුමට බැරකරවාගෙන ඇති බවත් පසුගිය ජනාධිපතිවරණ සමයේ මෙම මුදල් භාවිතා කොට ඇති බව පැවසුවේය.

එසේම රාජ්‍ය උකස් හා ආයෝජන බැංකුවද මැතිවරණ සමයේ රු.ලක්ෂ 15ක මුදලක් පුෂ්පා රාජපක්ෂ පදනමට ලබා දී ඇති අතරම මහත් ආන්දෝලනයකට තුඩුදුන් හෙල්පින් හම්බන්තොට සිද්ධියද මේ ආකාරයේම සිදුවීමක් බව වැඩිදුරටත් කියා සිටියේය.

පසුගිය රජය සමයේ මහින්ද රාජපක්ෂ මහතාට අපුල්ලන ලද මහත්තයෙක් අවස්ථා කිහිපයකදීම අගමැති රනිල් වික්‍රමසිංහ මහතා හමුවී එජාපයෙන් නාමයෝජනා ඉල්ලා සිටි බවත්, තවත් අයෙක් පසුගිය දින දෙකකදී පාර්ලිමේන්තුවේදී අගමැතිවරයා හමුවී නාමයෝජනා ඉල්ලා සිටීමට උත්සාහදැරූ බවත් නලින් බණ්ඩාර මහතා කීවේය.

මහින්ද රාජපක්ෂ මහතාගේ ආණ්ඩුව සැලුන් දොරක් වුවද, එජාපයේ එවැනි සැලුන් දොරක් නොමැති බවද දූෂිතයින්ට එජාපයෙන් නාමයෝජනා නොලැබෙන බව ඔහු අවධාරණය කළේය.