අත්තනගල්ල වේවැල්දෙනිය නාසෙවණ නිවාඩු නිකේතනයේ ඊයේ (27) පැවැති ජන හමුවක් අමතමින් ඔහු මේ බව පැවැසීය.
ශ්‍රී ලංකා නිදහස් පක්ෂයේ බෙදීමක් අැති වීමට ප්‍රධානම හේතුව හිටපු ජනාධිපතිතුමාගේ ක්‍රියා කලාපය බවත් හිටපු ජනාධිපතිතුමා ශ්‍රී ලංකා නිදහස් පක්ෂයෙන් මැතිවරණයේදී ඡන්දේ ඉල්ලුවොත්, ශ්‍රී ලංකා නිදහස් පක්ෂයේ වේදිකාවට ආවොත් මේ රටේ සුළු ජාතීන් විතරක් නෙමෙයි බුද්ධිමත් සියලු දෙනාම ශ්‍රී ලංකා නිදහස් පක්ෂයට විරුධව ඡන්දය ලබා දෙන බවත් පැවසුවේය.
මහින්ද රාජපක්ෂ පක්ෂයට ආදරේ නම් කරන්න පුළුවන් හොඳම දේ, ටික කාලයක් පැත්තකට වෙලා ඉන්න එක යනුවෙන් අර්ජුන රණතුංග මහතා සදහන්කර සිටියේය.
මෙහිදී තවදුරත් අමාත්‍යවරයා පැවසුවේ ඉදිරි මැතිවරණයේදී ශ්‍රී ලංකා නිදහස් පක්ෂය ජයග්‍රහණය කරා මෙහෙයවීමට මහින්ද රාජපක්ෂ පාර්ශ්වය මෛත්‍රීපාල සිරිසේන මහතාට ඉඩ දිය යුතු බවයි.
“අද අපිට මැතිවරණයකට යන්න සිද්ධ වෙලා තියෙනවා. මේ මැතිවරණයෙන් ඉතාමත් බුද්ධිමත්ව කල්පනා කරලා හොරු නැතුව, කුඩු කාරයෝ නැතුව, කැසිනෝ කාරයෝ නැතුව, බුකි කාරයෝ නැතුව, එතනෝල් කාරයෝ නැතුව නිවැරදි පුද්ගලයෝ පාර්ලිමේන්තුවට යවන්න අවස්ථාව ලැබිලා තියෙනවා.'' යනුවෙන්ද පැවසුවේය
